ЕТТБ Ўзбекистондаги «Star Group» компаниясига 20 млн долларгача маблағ ажратмоқчи

Bugun 20:102 daqiqa

Банк ҳозиргача Ўзбекистонда умумий қиймати қарийб 7,3 млрд доллар бўлган 219 та лойиҳани молиялаштирган. Маблағларининг асосий қисми хусусий сектор ва тадбиркорликни қўллаб-қувватлашга йўналтирилган.

ЕТТБ Ўзбекистондаги «Star Group» компаниясига 20 млн долларгача маблағ ажратмоқчи

Европа тикланиш ва тараққиёт банки (ЕТТБ) Ўзбекистоннинг «Star Group» компаниясига ўз фаолиятини кенгайтириш, айланма маблағларини кўпайтириш ҳамда истеъмол товарлари савдоси ва тарқатиш ҳажмини ошириш учун 20 млн долларгача молиялаштириш ажратади.

Банкнинг маълум қилишича, маблағ тўртта компания — «Support Samarqand», «Bloomshop», «Star Distribution» ва «Star FMCG» орқали берилади.

Ажратиладиган кредит гуруҳнинг кундалик фаолияти учун зарур маблағларни таъминлаш ва янги лойиҳаларни амалга оширишга йўналтирилади. Жумладан, Тошкент ва Самарқандда фаолият юритаётган парвариш ва гўзаллик маҳсулотлари дўконлари тармоғини кенгайтириш режалаштирилган. Компания олинган маблағлар ҳисобидан ҳудудлардаги фаолиятини кенгайтириш ва маҳсулотлар турини кўпайтиришни мақсад қилган.

Бундан ташқари, лойиҳа доирасида ЕТТБ ҳамда Япония ва ЕТТБ ҳамкорлик жамғармаси томонидан грант маблағлари ҳам ажратилади. Бу пуллар «Star Group» компаниясида корпоратив бошқарув тизимини такомиллаштириш режасини ишлаб чиқиш ва амалга оширишга ёрдам беради.

Шунингдек, ЕТТБ компанияда аёл ходимларнинг касбий ривожланиши ва компанияда ишлашда давом этишини қўллаб-қувватлаш ташаббусларини амалга оширади. Бунда аёл ходимлар учун устоз-шогирд дастури йўлга қўйилади.

«Star Group» — Ўзбекистонда рўйхатдан ўтган, кундалик истеъмол товарларини тарқатиш ва чакана савдо билан шуғулланувчи компаниялар гуруҳи. Унинг фаолият йўналишларидан бири «Bloomshop» бренди остида гўзаллик ва парвариш маҳсулотлари савдосидир.

ЕТТБ ҳозиргача Ўзбекистонда умумий қиймати қарийб 7,3 млрд доллар бўлган 219 та лойиҳани молиялаштирган. Банк маблағларининг асосий қисми хусусий сектор ва тадбиркорликни қўллаб-қувватлашга йўналтирилган.

Эслатиб ўтамиз, аввалроқ ЕТТБ 2026 йилда Ўзбекистон иқтисодиётининг ўсиш прогнозини 7,5 фоизгача оширганди.

Teglar

доллар бизнес тадбиркорлик ЕТТБ чакана савдо инвестиция молия

Mavzuga oid

Bugun 09:30

Анқарадаги президентлар учрашуви: Ўзбекистон ва Туркия иқтисодий ҳамкорликни кучайтирмоқчи

Шавкат Мирзиёев ва Ражаб Тоййиб Эрдўған Ўзбекистон–Туркия ҳамкорлигини кенгайтириш бўйича янги қадамларни белгилаб олди.

Kecha 15:03

Ўзбекистонда давлат корхоналарига берилган имтиёзлар хусусий бизнес ривожини чекламоқда — Жаҳон банки

Иш берувчиларнинг ярмидан кўпи малакали кадрлар етишмаслигини бизнес ривожига жиддий тўсиқ деб ҳисоблайди. Банк вакилига кўра, иқтисодий тараққиётни фақат ЯИМ ўсиши билан эмас, балки аҳоли даромадлари, меҳнат унумдорлиги ва сифатли иш ўринлари кўпайиши билан ҳам баҳолаш зарур. Минтақада кичик ва ўрта бизнес учун кредит олиш ҳам қийинлигича қолмоқда. Банклар талаб қиладиган гаров етишмаслиги, юқори фоиз ставкалари ва бизнес юритишдаги ортиқча бюрократик талаблар корхоналарнинг кенгайишига тўсқинлик қилмоқда.

Bugun 11:23

Тошкент шаҳар ҳокимлиги «Пахтакор» футбол клубига 5 млрд сўм ажратди

Аввалроқ пойтахтнинг собиқ ҳокими, тадбиркор Жаҳонгир Ортиқхўжаев клуб билан ҳамкорликни тўхтатишини маълум қилганди.

Kecha 20:38

«Ўзбекистонда сизларни интиқлик билан кутяпмиз» — Президент Анқарада ватандошлар билан учрашди

Шавкат Мирзиёев Туркиядаги ватандошлар ва талабалар билан учрашиб, уларни илм олишга ва Ўзбекистонга қайтиб келажакка ҳисса қўшишга чақирди.

Bugun 17:50

Ўзбекистонда қуёш энергияси учун аҳолига 642 млрд сўмдан ортиқ субсидия тўлаб берилди

2026-йилнинг январ—сентябр ойларида «Қуёшли хонадон» дастури доирасида жами 70,7 минг нафар фуқаро ўз хонадонида ишлаб чиқарилган ва умумий электр тармоқларига узатилган қуёш энергияси учун давлат бюджетидан маблағ олган.

Kecha 19:32

Ўзбекистонда поезд, самолёт ва автобуслар учун ягона чипта жорий этилиши кутилмоқда

Транспорт соҳасини 2030 йилгача ривожлантириш стратегияси лойиҳаси эълон қилинди. Унга кўра, 2028 йилдан «Бир йўл» ягона чиптаси, янги электропоездлар ва транспорт боғламаси ташкил этилади.