Logo

2026 йилги қоида 2025 йилга татбиқ этилмайди: суд солиқ органи қарорини ҳақиқий эмас деб топди

Bugun 19:502 daqiqa
O‘ZBEKISTON
|
Yangiliklar

Тошкент вилоятидаги якка тартибдаги тадбиркор 2025 йилдаги фаолияти асосида ҚҚС тўловчиси сифатида рўйхатга олиниб, ҳисоб рақамидан 23,7 млн сўмдан ортиқ маблағ ечиб олинган. Бизнес-омбудсман аралашувидан сўнг суд мазкур қарорни ҳақиқий эмас деб топди.

2026 йилги қоида 2025 йилга татбиқ этилмайди: суд солиқ органи қарорини ҳақиқий эмас деб топди © istock

Тошкент вилоятида фаолият юритувчи якка тартибдаги тадбиркор Д.А. уни қўшилган қиймат солиғи (ҚҚС) тўловчиси сифатида ноқонуний рўйхатга олиш ва ҳисоб рақамидан мажбурий тартибда маблағ ечиб олиниши юзасидан Бизнес-омбудсманга мурожаат қилди.

Бизнес-омбудсман матбуот хизмати маълум қилишича, вилоят солиқ бошқармаси 2026 йил январь ойида тадбиркорга юборилган хабарнома асосида уни 2025-йилдаги фаолияти натижаларига кўра автоматик тарзда ҚҚС тўловчиси сифатида рўйхатга олган. Шунингдек, 2026 йил февраль ойидаги товар айланмасидан 23,7 млн сўмдан ортиқ ҚҚС маблағи мажбурий тартибда ҳисобдан чиқарилган.

Солиқ органи бунда 2026-йил 1-январдан кучга кирган янги таҳрирдаги Солиқ кодексининг 462-моддасига таянган.

Бироқ «Норматив-ҳуқуқий ҳужжатлар тўғрисида»ги Қонуннинг 41-моддасига мувофиқ, қонун ҳужжатлари орқага қайтиш кучига эга эмас. Шу сабабли 2026-йилдан амал қила бошлаган янги тартибни тадбиркорнинг 2025-йилдаги фаолиятига нисбатан қўллаш мумкин эмаслиги аниқланган.

Амалдаги қонунчиликка кўра, мазкур тадбиркорнинг йиллик айланмаси ҚҚС тўловчиси сифатида рўйхатдан ўтиш учун белгиланган 1 млрд сўмлик чегарадан ошмаган.

Шундан сўнг Бизнес-омбудсман тадбиркор манфаатларини ҳимоя қилиш мақсадида Нурафшон туманлараро маъмурий судига даъво аризаси киритган.

Суд иш материалларини кўриб чиқиб, солиқ органининг тадбиркорни ҚҚС тўловчиси сифатида рўйхатга олиш ҳамда тегишли ҚҚС гувоҳномасини расмийлаштириш тўғрисидаги қарорларини қонунга зид ва ҳақиқий эмас деб топди.

Натижада тадбиркорнинг бузилган ҳуқуқлари тикланди.

Аввалроқ тадбиркорга нотўғри ҳисобланган 100 млрд сўмлик солиқ қарзи омбудсман аралашувидан сўнг бекор қилинганди.

Teglar

солиқҚҚСтадбиркорСолиқ кодексисудБизнес-омбудсман

Mavzuga oid

Ўзбекистонда бойлар нархлар ошишидан энг кўп хавотирда
Kecha 17:38

Ўзбекистонда бойлар нархлар ошишидан энг кўп хавотирда

Марказий банк ўтказган сўровномада даромади 30 млн ва ундан юқори бўлган аҳолининг инфляцион кутилмалари бошқаларга нисбатан энг юқори бўлди.

Ҳарорат кескин ошиши сабабли Қорақалпоғистондаги айрим боғчалар вақтинча ёпилади
Bugun 10:50

Ҳарорат кескин ошиши сабабли Қорақалпоғистондаги айрим боғчалар вақтинча ёпилади

Қорақалпоғистоннинг қатор шаҳар ва туманларида ҳаво ҳароратининг кескин кўтарилиши сабабли давлат ва нодавлат мактабгача таълим ташкилотлари бир неча кунга фаолиятини тўхтатади. Чора болалар саломатлиги ва хавфсизлигини таъминлаш мақсадида жорий этилмоқда.

Бош вазир ўринбосари ишдан олинди, Умурзоқов янги лавозимга тайинланди, Мирзиёев Лукашенко билан кўришди, йиллик инфляция 6,4 фоизга етди — ҳафта дайжести
Kecha 23:00

Бош вазир ўринбосари ишдан олинди, Умурзоқов янги лавозимга тайинланди, Мирзиёев Лукашенко билан кўришди, йиллик инфляция 6,4 фоизга етди — ҳафта дайжести

Ҳафта давомида содир бўлган шу ва бошқа воқеа-ҳодисалар тафсилоти билан VAQT.UZ дайжестида батафсил танишинг.

Ўзбекистон 2026-йилда Россиядан рекорд ҳажмда газ сотиб олиши мумкин
Bugun 08:30

Ўзбекистон 2026-йилда Россиядан рекорд ҳажмда газ сотиб олиши мумкин

«Газпром» 2025-йилда Ўзбекистонга 6,5 млрд куб метр газ экспорт қилди. Бу 2024 йилги кўрсаткичдан 15 фоизга юқори. 2026-йилда эса газ импорти 10 млрд куб метрдан ошиши мумкин.

6 ойда иш жойларида 137 киши ҳалок бўлди
Kecha 18:30

6 ойда иш жойларида 137 киши ҳалок бўлди

Ўзбекистонда йилнинг биринчи ярмида меҳнат фаолияти билан боғлиқ 447 та бахтсиз ҳодисалар содир бўлиб, уларда қарийб 500 киши жабрланган.

Депутатлар эскроу тизими ҳақидаги қонунни муҳокама қилишга киришди
Kecha 19:39

Депутатлар эскроу тизими ҳақидаги қонунни муҳокама қилишга киришди

Қурилиш бозорида улушдорлар маблағларини ҳимоя қилиш ҳамда девелоперлар фаолиятини тартибга солишни назарда тутувчи қонун лойиҳаси Қонунчилик палатасида муҳокама қилинмоқда.