Google 2025-yildagi eng ko‘p qidirilgan 10 ta so‘rovni e’lon qildi

Qidiruv tizimi trendlari statistikasiga ko‘ra, Google Gemini neyron tarmog‘i nomi 2025 yilda Google’dagi eng mashhur so‘rovga aylandi. Bu ma’lumot kompaniyaning matbuot xizmati tomonidan e’lon qilindi.

Tahlilchilar 2025 yilda foydalanuvchilar qaysi so‘zlar, iboralar yoki atamalarni o‘tgan yillarga nisbatan ko‘proq qidirganini aniqladi. Barcha qidiruv yo‘nalishlari orasida «Gemini» so‘zi yetakchilik qildi — Google tomonidan yaratilgan chat-bot shunday nomlanadi. Bu dunyodagi eng mashhur va ilg‘or sun’iy intellekt xizmatlaridan biri hisoblanadi.

Trendlar orasida ikkinchi o‘rinda «Hindiston Angliyaga qarshi» so‘rovi turibdi. Bu ikki mamlakat terma jamoalari o‘rtasidagi kriket o‘yinlari turkumiga taalluqli. Uchinchi o‘rinda 10-sentabr kuni ommaviy tadbir paytida otib o‘ldirilgan yosh amerikalik siyosatchi Charli Kirkning ismi joy olgan.

Top-5 ga yana ikkita sport so‘rovi — futbol bo‘yicha klublar jahon chempionati va «Hindiston Avstraliyaga qarshi» ham kiritilgan. Keyingisi ushbu terma jamoalar o‘rtasidagi kriket uchrashuvlariga oid. O‘ntalikka shuningdek, Xitoyning DeepSeek sun’iy intellekt tizimi, kriket bo‘yicha Osiyo chempionati, Eron, iPhone 17 hamda «Pokiston va Hindiston» so‘rovlari ham kiritilgan.

Top-10 quyidagicha ko‘rinishga ega:

1. Gemeni;

2. Hindiston Angliyaga qarshi;

3. Charli Kirk;

4. Klublar o‘rtasida futbol bo‘yicha jahon chempionati;

5. Hindiston Avstraliyaga qarshi;

6. DeepSeek;

7. Kriket bo‘yicha Osiyo chempionati;

8. Eron;

9. iPhone 17;

10. Pokiston va Hindiston.

Yangiliklar orasida Charli Kirkning o‘ldirilishi birinchi o‘rinni egalladi. Eng muhim beshta xabar qatoriga Eron-Isroil urushi, AQSH hukumati faoliyatining to‘xtatilishi, yangi Rim papasining saylanishi va Los Anjelesdagi yong‘inlar ham kirdi.

O‘nta asosiy yangilik ro‘yxatini 30-iyulda Kamchatkada sodir bo‘lgan kuchli zilzila yakunladi. Bu zilzila 1952 yildan buyon mintaqadagi eng kuchlisi bo‘ldi. Mana, to‘liq o‘nta asosiy yangilik ro‘yxati: 

1. Charli Kirkning qotili;

2. Eron;

3. AQSH hukumati faoliyatining to‘xtatilishi;

4. Yangi Rim papasining saylanishi;

5. Los-Anjelesdagi yong‘inlar;

6. «Melissa» bo‘roni;

7. AQSHda «Tik-Tok»ning taqiqlanishi;

8. Zohran Mamdanining Nyu York shahri meri saylovlaridagi g‘alabasi;

9. AQSHda USAID dasturining yakunlanishi;

10. Kamchatkada sodir bo‘lgan zilzila va sunami.

Foydalanuvchilar eng ko‘p 20 yoshli amerikalik qo‘shiqchi D4vd (Devid Berk) shaxsiyati haqida so‘rashgan. U 14 yoshli qizni o‘ldirishda gumon qilinmoqda, chunki qizning jasadi uning nomiga ro‘yxatdan o‘tkazilgan avtomobildan topilgan. Quyida to‘liq top-10 ro‘yxati keltirilgan:

1. D4vd;

2. Kendrik Lamar (repper);

3. Jimmi Kimmel (hazilkash va teledastur boshlovchisi);

4. Tayler Robinson (Charli Kirkning o‘ldirilishida gumonlanuvchi);

5. Rim papasi Leo XIV;

6. Sheder Sanders (Amerika futbolining professional o‘yinchisi);

7. Bianka Senzori (dizayner va repper Kane Uestning turmush o‘rtog‘i);

8. Zohran Mamdani (Nyu York shahriga saylangan mer);

9. Greta Tunberg (ekofaol);

10. Sanae Takaichi (Yaponiya Bosh vaziri).

Google boshqa toifalar bo‘yicha ham yakuniy natijalarni e’lon qildi. 2025 yilda vafot etgan mashhurlar orasida foydalanuvchilar eng ko‘p rok musiqachisi va Black Sabbath guruhining asoschisi Ozzi Osborn haqida ma’lumot izlashgan. Eng mashhur aktyor «Anora» filmi yulduzi Mayki Medison bo‘ldi, film esa o‘zi filmlar ro‘yxatida birinchi o‘rinni egalladi.

Teleko‘rsatuvlar orasida «Monstr: istoriya Eda Gina» seriali, kitoblar orasida esa amerikalik yozuvchi Kolin Guverning «Senga achinaman» romani eng mashhur bo‘ldi. O‘yinlar toifasida ARC Raiders yetakchilik qilmoqda.