«IT Park» резидентларининг хизматлар экспорти 392,5 миллион долларга етди

Bugun 20:201 daqiqa

Шунингдек, жорий йилнинг дастлабки олти ойида «IT Park» иштирокчилари кўрсатган бозор хизматларининг умумий ҳажми 18,2 триллион сўмга етган.

«IT Park» резидентларининг хизматлар экспорти 392,5 миллион долларга етди

2026 йилнинг январ—июн ойлари якунларига кўра, «IT Park» иштирокчилари томонидан амалга оширилган хизматлар экспорти ҳажми 392,5 миллион АҚШ долларини ташкил этди. Бу ҳақда Ўзбекистон Миллий статистика қўмитаси хабар берди.

Қайд этилишича, мазкур кўрсаткич ўтган 2025 йилнинг мос даврига нисбатан 90,3 миллион АҚШ долларига ошган.

Бозор хизматлари ва инвестициялар ҳажми

Олинган статистик маълумотларга кўра, жорий йилнинг дастлабки олти ойида мазкур технопарк иштирокчилари томонидан кўрсатилган бозор хизматларининг умумий ҳажми 18,2 триллион сўмга етган.

Маълум қилинишича, бу кўрсаткич 2025 йилнинг мос даври билан таққосланганда 4,1 триллион сўмга кўп.

Шу билан бирга, «IT Park» иштирокчилари томонидан барча молиялаштириш манбалари ҳисобидан асосий капиталга ўзлаштирилган инвестициялар 647,5 миллиард сўмга етган.

Бу кўрсаткич 2025 йилнинг биринчи ярмига нисбатан 352 миллиард сўмга ошган.

Teglar

бозор хизматлари.IT Park IT соҳаси хизматлар экспорти инвестициялар Ўзбекистон

Mavzuga oid

Kecha 17:17

Қисқа муддатли ижара бизнес учун таҳликага айланмоқда — Зафар Ҳошимов

Korzinka асосчиси Зафар Ҳошимов тадбиркорлар билан учрашувда президентга тижорат биноларини ижарага олиш муносабатларини ҳуқуқий жиҳатдан қайта кўриб чиқишни таклиф қилди. Унинг айтишича, қисқа муддатли шартномалар, ижара ҳақининг асоссиз оширилиши ва тадбиркор киритган инвестицияларнинг ҳимоя қилинмагани бизнес учун жиддий хатар туғдирмоқда.

Bugun 16:46

Суғурта компаниялари ярим йилда 505,5 млрд соф фойда олди

Ўзбекистондаги суғурта компанияларининг жами соф фойдаси 2026 йилнинг биринчи ярмида 61 фоизга ошди. Бироқ умумий фойданинг ярмидан кўпи атиги икки йирик компания ҳисобига тўғри келди.

Bugun 18:56

Уч йиллик мораторийдан гаровсиз кредитгача: очиқ мулоқотдан сўнг бизнес учун нималар ўзгаради?

Давлат раҳбарининг тадбиркорлар билан очиқ мулоқотида бизнесни текширишдан тортиб кредит, экспорт, сунъий интеллект ва туризм соҳасигача қатор янги имтиёзлар эълон қилинди. Vaqt.uz тадбиркорлар учун қандай имконият ва енгилликлар яратилишини жамлади.

Bugun 11:48

Ноқонуний ундирилган маблағларни қайтариш тартиби белгиланади

Янги ҳужжат билан молиявий жаримадан озод этиш ёки уни 6 ой давомида бўлиб-бўлиб тўлаш имконияти ҳам яратилмоқда. Суд томонидан бекор қилинган ёки ҳақиқий эмас деб топилган жарима суммасини қисқа муддатларда қайтариш, кечиктирилган тақдирда эса фоиз тўлаш тартибини жорий этиш назарда тутиляпти.

Bugun 19:47

Одамлар қарзга ботяптими?

Телефонда икки тугмани босиб, бир неча дақиқада пул олиш қулай. Лекин, уни қайтариш ҳам шунчалик осонми? Қарз устига қарз, кун сайин ўсиб бораётган фоиз ва тинч уйқуни олиб қўяётган молиявий босим… Бу пул аслида қанчалик қимматга тушяпти? Чиройли рекламалар орқасида нима яширинган?

Bugun 12:15

Президент: Ўзбекистонда иккинчи АЭС қурилиши учун тайёргарлик бошланади

Ўзбекистонда яна бир атом электр станцияси қурилиши режалаштирилмоқда. Президент Шавкат Мирзиёев иккинчи АЭС лойиҳаси бўйича «катта тайёргарлик» бошланганини маълум қилди, аммо унинг жойлашуви ва қуввати ҳақидаги малумотлар ҳозирча очиқланмаган.