Нақд тўлов қулайроқми ёки нақдсиз?

Хўш, бу аҳоли учун қанчалик қулай? Одамларнинг бу борадаги фикрини билиш мақсадида, уларга микрофон тутамиз.

Маълумот учун, давлатимиз раҳбари Шавкат Мирзиёевнинг 2025-йил 10-декабрда қабул қилган фармонига кўра, 2026-йил 1-апрелдан бошлаб бир қатор йўналишларда тўловлар фақат банк карталари ёки электрон тўлов тизимлари орқали амалга оширилади.

Янги тартибга мувофиқ, қуйидагиларни нақд пулга сотиш ёки харид қилиш тақиқланади:

• давлат органлари томонидан кўрсатиладиган хизматлар;

• электр энергияси, табиий газ ва ичимлик суви учун тўловлар;

• алкогол ва тамаки маҳсулотлари;

• автомобилларга ёқилғи қуйиш шохобчаларида нефт-газ маҳсулотлари ҳамда электр транспорт воситаларини қувватлантириш хизматлари;

• қиймати 25 миллион сўмдан юқори бўлган барча турдаги товар ва хизматлар;

• кўчмас мулк обектлари, ишлаб чиқарилганига 10 йилдан ошмаган транспорт воситалари ҳамда махсус автотранспорт воситаларининг олди-сотдиси.