Ўзбекистонда бизнес бошлаш қоидалари ўзгармоқда

Bugun 20:241 daqiqa

Адлия вазирлигига кўра, Ўзбекистонда лицензия олмасдан 3 ой давомида тадбиркорлик қилиш мумкин бўлади.

Ўзбекистонда бизнес бошлаш қоидалари ўзгармоқда

Қонун билан «Бизнесга лицензиясиз кириш» махсус режими жорий этилмоқда. Унга кўра, талабгор айрим лицензия ёки рухсат этиш хусусиятига эга ҳужжатни олмасдан туриб, фаолиятини бошлаши мумкин бўлади. Бу ҳақда Адлия вазирлиги матбуот хизмати хабар берди.

Маълум қилинишича, бунинг учун фаолият бошлангани ҳақида махсус электрон тизим ёки Ягона интерактив давлат хизматлари портали орқали ваколатли органга бепул хабар бериш талаб этилади.

Режимнинг амал қилиш муддати 3 ой бўлиб, ушбу муддат давомида талабгор муайян фаолиятни (ҳаракатни) лицензиясиз ёки рухсат этиш хусусиятига эга ҳужжатсиз амалга оширганлик учун жавобгарликка тортилмайди.

Уч ойлик имконият

Талабгор «Бизнесга лицензиясиз кириш» махсус режимининг амал қилиш муддати давомида:

▪️ ўз фаолиятини лицензия ёки рухсат бериш талабларига ва шартларига мувофиқлаштириш чораларини кўради;

▪️ тегишли лицензияни ёки рухсат этиш хусусиятига эга ҳужжатни белгиланган тартибда олади ёхуд мазкур фаолиятни (ҳаракатларни) тугатади.

Архивлар учун янги муддат

Қонун билан ҳужжатларни сақлаш муддатларига оид янги қоидалар ҳам белгиланди. Хусусан, махфий ҳужжатлар 30 йил сақланиши белгиланган.

Шунингдек, шахсий таркиб бўйича ҳужжатларни сақлаш муддатлари белгиланди. Унга кўра:

— 2019 йил 1 январгача иш юритуви якунланган шахсий таркиб бўйича ҳужжатлар идоравий архивларда 75 йил мобайнида сақланади.

— 2019 йил 1 январдан эътиборан шакллантирилган шахсий таркиб бўйича ҳужжатлар идоравий архивларда 50 йил мобайнида сақланади.

Teglar

Бизнес Тадбиркорлик Қонун Рухсатнома Лицензия Ислоҳот

Mavzuga oid

Kecha 20:07

Бир қатор тадбиркорлар «Фаол тадбиркор» кўкрак нишони билан тақдирланди

Улар орасида «Oqtepa Lavash» асосчиси Беҳзод Ғуломов, «Uzum Technologies» бош директори Жасур Жумаев, «Edu Action» кузатув кенгаши раиси Умиджон Ишмуҳамедов, «Dodo Pizza Tashkent» раҳбари Динара Исломова, «ADM Jizzakh» бош директори Данияр Давлетияров, «Fly Khiva Group» бош директори Дилшод Ходжаев ва «YandexGo UB» таъсисчиси Иззат Шукуров ҳам бор.

Kecha 22:35

Янги энергетика вазири Президентга ёқилғи-энергетика соҳасидаги ишлар ҳақида ҳисобот берди

Таъкидланишича, аҳолини энергия ресурслари билан барқарор таъминлаш бўйича 5 йиллик дастур ишлаб чиқилди.

Bugun 15:49

«Афғонистонга фақат ортиқча электр энергиясини экспорт қилинади» — энергетика вазири

Ўзбекистон компаниялари Афғонистонда электр тармоқлари ва подстанцияларни қуришда иштирок этишни режалаштирмоқда. Шерзод Хўжаевнинг айтишича, ортиқча электр энергияси экспорт қилиниши мумкин, аммо бу фақат ички талаб тўлиқ таъминланганидан сўнг амалга оширилади.

Bugun 12:14

Шавкат Мирзиёев Президент администрацияси тўғрисидаги конституциявий қонунни имзолади

Ҳужжатда администрациянинг ҳуқуқий мақоми, асосий вазифалари, фаолиятини ташкил этиш тартиби ҳамда ваколатлари белгиланган.

Bugun 09:28

Тадбиркорларнинг 42 фоизи қарз мажбуриятлари ошганини билдирди – Бизнес кайфияти шарҳи

Корхоналарнинг ишлаб чиқариш ҳажмини кўпайтириши учун кредит ва ишчи кучига эҳтиёж ортмоқда. Хусусан, Марказий банк сўровномасида иштирок этган тадбиркорларнинг 42 фоизи қарз мажбуриятлари ошганини, 48 фоизи эса ишчи кучига талаб кучайганини билдирган. Келгусида бизнес шароитлари яхшиланишига ишонаётганлар улуши эса бир йил ичида 66 фоиздан 82 фоизга кўтарилган.

Bugun 18:40

Ўзбекистонга пул ўтказмалари четга юборилганидан 7 баравар кўп бўлди

2026-йилнинг биринчи ярмида чет элдан 9,3 млрд доллар пул ўтказилди, мамлакатдан хорижга юборилган маблағ эса 1,3 млрд долларни ташкил этди. Ўтказмалар 13 фоизга, хорижга юборилган маблағлар эса 8 фоизга ошган.