O‘zbekistonda jamoat transporti to‘lovlari 30 foizga oshdi

Bugun 12:351 daqiqa

2026-yil sentabrida jamoat transportida 81,1 mln tranzaksiya amalga oshirildi. Eng ko‘p tranzaksiyalar bank kartalari orqali amalga oshirilgan.

O‘zbekistonda jamoat transporti to‘lovlari 30 foizga oshdi

2026-yil sentabrida O‘zbekiston jamoat transportida amalga oshirilgan to‘lovlar soni o‘tgan yilning shu davriga nisbatan 30 foizga oshib, 81,1 mln tranzaksiyani tashkil etdi. Bu haqda ATTO kompaniyasi oylik statistik ma’lumotlarida xabar berdi.

Hisobot davrida bank kartalari orqali to‘lovlar soni 60 mln taga yetdi. Bu o‘tgan yilning shu davriga nisbatan 61 foizlik o‘sishni anglatadi.

Transport kartalari orqali esa 14,4 mln tranzaksiya amalga oshirildi. Ushbu ko‘rsatkich jamoat transportida elektron to‘lov vositalaridan foydalanish ko‘lamini ko‘rsatuvchi asosiy raqamlardan biri hisoblanadi.

Metro yo‘lovchilari mobil QR-kod orqali 1,9 mln marta to‘lov qildi. Shuningdek, virtual ATTO kartalari yordamida amalga oshirilgan tranzaksiyalar soni 585 101 tani tashkil etdi.

Hududlarda o‘sish tezlashdi

ATTO ma’lumotlarida respublika hududlaridagi to‘lovlar dinamikasi ham alohida qayd etilgan. Sentyabrda hududlarda tranzaksiyalar soni o‘tgan yilning shu davriga nisbatan 133 foizga oshib, 23,6 mln taga yetdi. Eng ko‘p tranzaksiyalar Samarqand, Urganch va Qarshi shaharlarida amalga oshirilgan.

Eslatib o‘tamiz, avvalroq Transport vazirligi avtobuslar kechikishi va bir bekatga uchta avtobus bir vaqtda kelib qolishiga izoh bergandi.

Teglar

transport metro avtobus ATTO

Mavzuga oid

19.10.2026 | 14:05

O‘zbekiston aholisi 40 millionga yaqinlashdi

Mamlakat aholisi bir yilda 692,2 ming kishiga ko‘paydi, biroq tug‘ilishlar soni so‘nggi ikki yilda kamaygan. Samarqand viloyati aholi soni bo‘yicha yetakchilik qilmoqda.

Kecha 12:15

2030-yildan shifokor va farmatsevtlar davlat ro‘yxatidan o‘tishi shart bo‘ladi

Davlat ro‘yxatidan o‘tmagan shaxsning tegishli mutaxassislik bo‘yicha tibbiy yoki farmatsevtika kasbiy faoliyati bilan shug‘ullanishi taqiqlanadi.

19.10.2026 | 12:01

«Brasserie Park» terassasi egallagan yo‘lak demontaj qilindi

Poytaxt hokimligi restoranning yozgi terassasi yuzasidan tekshiruv o‘tkazib, piyodalarning erkin harakatlanishiga to‘sqinlik qilgan holatlarni aniqladi. Avvalroq restoran vakili va kurer o‘rtasidagi janjal aks etgan video ijtimoiy tarmoqlarda tarqalgandi.

17.10.2026 | 09:00

Toshkentda jamoat transporti uchun 17,9 kilometrlik maxsus yo‘laklar tashkil etiladi

Loyiha uchun dastlabki hisob-kitoblarga ko‘ra, 6,5 milliard so‘m talab etiladi.

16.10.2026 | 18:13

«Rejadan ortig‘ini oilamga olib borishim kerak deb haydovchilar poyga o‘ynashardi» — Transport vazirligi naqd to‘lov bekor qilinishi sababini tushuntirdi

Transport vazirining birinchi o‘rinbosari Vaqt.uz’ga ma’lum qilishicha, Toshkentda naqd to‘lov tizimi bekor qilinib, haydovchilar uchun kunlik reja amaliyoti tugatilgan. Shuningdek, yo‘lovchilar to‘lovlari hisobidan qoplanadigan transport xarajatlari ulushi 30–32 foizdan 40 foizdan oshgan.

16.10.2026 | 19:55

Tungi avtobuslar, yo‘l haqi va bekatlar: vazirlik nima dedi?

Toshkentda yo‘l haqi nega 47 foizga oshdi? Avtobuslar orasidagi intervallar qachon qisqaradi va tungi avtobuslar qachon qatnay boshlaydi? Transport vazirligida o‘tkazilgan matbuot anjumanida jamoat transporti bilan bog‘liq muammo va e’tirozlarga izoh berilib, sohada so‘nggi yillarda amalga oshirilgan ishlar haqida ma’lumot berildi.