Ўзбекистонликлар пулларини қайси валютада сақламоқда?

Bugun 20:302 daqiqa

Бир йил аввал валютадаги депозитлар улуши 24 фоиз бўлган бўлса, ҳозир бу кўрсаткич 19 фоизга тушган.

Ўзбекистонликлар пулларини қайси валютада сақламоқда?

Марказий банк маълумотларига кўра, тижорат банкларидаги жами депозитлар 482,7 трлн сўмни ташкил этган. Бир йил аввал бу кўрсаткич 360,4 трлн сўм эди. Яъни бир йил ичида банклардаги жами депозитлар 122,3 трлн сўмга ошган.

Умумий депозитларнинг 92,7 трлн сўми хорижий валютада сақланган бўлиб, унинг улуши 19 фоизни ташкил этган. Ўтган йилнинг мос даврида хорижий валютадаги депозитлар 86,9 трлн сўм, уларнинг улуши эса 24 фоиз эди.

Миллий валютадаги депозитлар ҳажми ўтган йили 273,5 трлн сўм бўлган, бу йил эса кўрсаткич 390 трлн сўмга етган. Бу бир йилда тахминан 42,6 фоизлик ўсиш. Хорижий валютадаги депозитлар эса шу даврда 6,6 фоизга кўпайган.

Яъни, аҳоли ва бизнес маблағларини сақлашда сўмга бўлган талаб ортиб бормоқда. Бунга сўмдаги депозитлар бўйича даромадлилик юқориги, миллий валютага ишончнинг ортиши ва иқтисодиётдаги ўзгаришлар таъсир қилаётган бўлиши мумкин.

Банк тизимидаги депозитларнинг муддатига қарасак, 1 йилгача бўлган муддатли депозитлар 175,7 трлн сўм, 1 йилдан ортиқ муддатли депозитлар эса 164,9 трлн сўмни ташкил этган. Бир йил аввал бу кўрсаткичлар мос равишда 120,5 трлн ва 133 трлн сўм эди. Сўмдаги депозитлар хорижий валютадаги депозитларга қараганда анча юқори фоиз ставкаларини таклиф қилмоқда.

Июн ойида миллий валютадаги 1 йилгача бўлган муддатли депозитларнинг ўртача ставкаси 15,4 фоиз, 1 йилдан ортиқ муддатли депозитларда эса 18,1 фоиз бўлган. Хорижий валютадаги депозитларда бу кўрсаткичлар мос равишда 3 фоиз ва 5,5 фоизни ташкил этган.

Банклардаги жамғармалар нафақат умумий ҳажм жиҳатидан, балки муддатли депозитлар ҳисобига ҳам кенгаймоқда.

Эслатиб ўтамиз, аввалроқ Ўзбекистонда қайси ҳудуд аҳолиси банклардан энг кўп қарз олгани ҳақида ёзган эдик. Бир йил ичида жами депозитлар 33,9 фоизга, кредитлар эса 11,9 фоизга ўсган.

Камрон Ҳасанов

Teglar

омонат миллий валюта Марказий банк хорижий валюта

Mavzuga oid

Kecha 23:20

Ўзбекистонда «YouTube» монетизацияси, шахматчиларга 200 минг доллар мукофот ва Андижондаги 2 миллиардлик лойиҳалар — 23 сентябр дайжести

Кун давомида Ўзбекистонда юз берган воқеалар ва ҳодисалар, ёритилган янгиликлар ва хабарларнинг энг муҳимларини яна бир бор эсга оламиз.

Bugun 17:41

Энди биржада сотилган пахтанинг ҳар тоннасига 500 минг сўмдан субсидия берилади

У пахтани биржада сотган фермерга ҳам, уни сотиб олган кластерга ҳам ажратилади. Ўз ерида пахта етиштирган кластерлар эса гектарига 1,5 млн сўмдан субсидия олади.

Kecha 17:01

Шахмат олимпиадасига бағишлаб олтин ва кумуш тангалар чиқарилади

Марказий банк дастлаб 100 дона олтин ва 500 дона кумуш эсдалик тангасини муомалага чиқаришни режалаштирган. Тангаларнинг оғирлиги 31,1 граммдан бўлиб, улар ёнма-ён қўйилганда Регистон майдони пештоқининг яхлит тасвири ҳосил бўлади.

Kecha 18:20

Андижонда 2 млрд долларлик лойиҳалар ишга туширилди

Маросимда умумий қиймати 9,4 млрд доллар бўлган 206 та лойиҳа қамраб олинди. 7 млрд 350 миллион долларлик 108 та лойиҳанинг қурилиши бошланди.

Bugun 12:29

Андижон иқтисодиёти 8,8 фоизга ўсди

Сўнгги ўн йилда вилоятга республика бюджетидан 20 трлн сўм, банклар томонидан тадбиркорлик учун 90 трлн сўм йўналтирилди.

Kecha 09:27

Ўзбекистон Нахчивондан Туркиягача темирйўл қурилишида иштирок этиш имкониятини ўрганмоқда

2030-йилга қадар транспорт хизматлари ҳажмини икки баробар ошириш, соҳага 9,1 млрд доллар инвестиция жалб қилиш ва хизматлар экспортини 5,7 млрд долларга етказиш режалаштирилган.