Prezident yil yakunigacha 230 ming oilani kambag‘allikdan chiqarishni topshirdi

Bugun 15:401 daqiqa

Hokimlarga sentabr-dekabr oylarida 350 ming odamni doimiy ishga joylashtirish va yana 1 million aholining daromadini ko‘paytirish majburiyati yuklandi.

Prezident yil yakunigacha 230 ming oilani kambag‘allikdan chiqarishni topshirdi

Prezident Shavkat Mirziyoyev 3-sentabr kuni kambag‘allikni qisqartirish va aholi daromadlarini oshirish masalalari muhokamasiga bag‘ishlangan yig‘ilish o‘tkazdi. Unda hududlardagi ishlarni yangi bosqichga olib chiqish vazifalari belgilab berildi.

Davlat rahbari viloyat va tuman hokimlari shtablar faoliyatini samarali tashkil etib, mavjud yangi imkoniyatlardan to‘liq foydalanishi shartligini ta’kidladi.

Hokimlar sentabr-dekabr oylarida 350 ming odamni doimiy ishga joylashtirish va yana 1 million aholining daromadini ko‘paytirish majburiyatini oladi.

Yig‘ilishda yil yakuniga qadar 230 ming oilani kambag‘allikdan chiqarish vazifasi ham belgilandi. Har bir yo‘nalish bo‘yicha aniq mexanizm va harakatlar algoritmini ishlab chiqish, mahalla darajasida mas’ullarni belgilash zarurligi qayd etildi.

Davlat rahbari Xitoy tajribasi asosida tuman va mahallada aholi bilan bevosita ishlaydigan xodimlar uchun aniq ko‘rsatmalar ishlab chiqishni ham topshirdi.

Eslatib o‘tamiz, avvalroq oilaviy va yoshlar tadbirkorligi bo‘yicha imtiyozli kredit resurslarini boshqarish vakolati tuman shtablariga o‘tkazilishi haqida xabar berilgandi.

Teglar

Shavkat Mirziyoyev daromad kambag‘allik ishsizlik hokimlar mahalla

Mavzuga oid

Kecha 21:35

«O‘zbekfilm»ning 1 mlrd so‘mlik soliq qarzi to‘landi

Kinematografiya agentligi direktori Jahongir Ahmedovning ma’lum qilishicha, endi asosiy e’tibor xodimlarning 3 milliard so‘mdan ziyod oylik maosh qarzini to‘lashga qaratiladi.

Bugun 13:10

Tumanlarda bir kishini kambag‘allikdan chiqarishga qancha pul sarflangani aytildi

Bankdan kredit olib, biznesini yurgiza olmagan 62 kishi kreditni qaytarishga qiynalyapti. Davlat rahbarining aytishicha, buning sababi atigi mingta mahalladagi hokim yordamchisi va mahalla bankiri «loyihaviy yondashuv» asosida ishlashni biladi.

Bugun 10:45

Toshkentda avtomobillar oqimi bir kunda 30 foizga oshdi

Yangi o‘quv yilining birinchi kuni poytaxt ko‘chalarida avtomobillar soni keskin ko‘paydi. Shunga qaramay, tirbandlik 6 balldan oshmadi.

Kecha 22:43

Hindistonga O‘zbekiston urani kerak: yangi bitim imzolanishi kutilmoqda

O‘zbekiston va Hindiston yadroviy yoqilg‘i xomashyosini yetkazib berish bo‘yicha yangi uzoq muddatli bitimni imzolashga juda yaqin turibdi.

Bugun 12:53

Prezident bankirlar va hokim yordamchilarini tanqid qildi

Ularning aksariyati kimga kredit kerakligi, qaysi loyihani lizing, faktoring, kafolat, sug‘urta, aylanma mablag‘ yoki shartnoma asosida moliyalashtirish mumkinligini tushunmasligi aytildi.

Bugun 13:25

O‘zbekistonda hisobda bo‘lmagan 985 ming gektar yer aniqlandi

Qishloq xo‘jaligini ro‘yxatga olish natijasida hisobda aks etmagan 985,5 ming gektar yerning chegarasi va toifasi aniqlashtirildi. Shundan 789,5 ming gektari ekin yerlari, 14,1 ming gektari issiqxonalar, 75,3 ming gektari bog‘lar, 21,4 ming gektari tokzorlar va 85 ming gektari baliqchilik havzalariga to‘g‘ri keladi.