Qirg‘izistonda 540 ta obyektda faol qurilish ishlari olib borilmoqda
Qurilish, arxitektura va uy-joy kommunal xizmat ko‘rsatish vaziri Nurdan O‘runtayevning so‘zlariga ko‘ra, bu yil obyektlardan 200 ga yaqini foydalanishga topshirilishi kerak.
Qirg‘izistondagi 540 ta obyektda faol qurilish ishlari olib borilmoqda. Bu haqda Qurilish, arxitektura va uy-joy kommunal xizmat ko‘rsatish vaziri Nurdan O‘runtayev ma’lum qildi. Uning so‘zlariga ko‘ra, bu yil obyektlardan 200 ga yaqini foydalanishga topshirilishi kerak.
«Barcha qurilish maydonchalariga videokuzatuv kameralari o‘rnatilganligi sababli, bugungi kunda tekshiruv o‘tkazish uchun joyiga borishga katta ehtiyoj yo‘q. Asosan, maxsus inspektorlar qurilishda ishlaydi va ishlarni joyida bajaradi. Vaqtim bo‘lganda qurilish maydonchalariga o‘rnatilgan kameralarni muntazam ravishda kuzatib borishga harakat qilaman. Masalan, bizda butun mamlakat bo‘ylab 540 ta faol qurilish maydonchasi mavjud. Hozirda 540 ta faol qurilish maydonchasining aksariyat qismida videokameralar o‘rnatilgan», — deydi Nurdan O‘runtayev.
Shuningdek, u o‘z nutqida hozirda Prezident Sadir Japarovning shaxsiy nazorati ostida Bishkekda 20 ta, O‘shda 10 ta va Manasda 6 ta yirik maktab qurilayotganini ta’kidladi. Ushbu maktablar joriy o‘quv yiliga qadar foydalanishga topshiriladi.
