Qozog‘istonda AESlar uchun yangi hududlar ko‘rib chiqilmoqda

Qozog‘istonda atom elektr stansiyasi qurilishi uchun yangi hudud sifatida Kostanay viloyati ko‘rib chiqilmoqda. Bu haqda Qozog‘iston Atom energiyasi agentligi raisi Almasadam Satkaliyev ma’lum qildi.

Uning so‘zlariga ko‘ra, mazkur hudud mamlakatda AES qurish imkoniyatlari muhokama qilinayotgan asosiy variantlardan biri hisoblanadi. Almasadam Satkaliyevning aytishicha, Qozog‘istonda energetik barqarorlikni ta’minlash maqsadida kamida uchta, istiqbolda esa to‘rtta atom elektr stansiyasi qurish rejalashtirilmoqda. Mamlakatda bir nechta ehtimoliy joylar ekologik, seysmik va energetik balans talablari hisobga olingan holda o‘rganilgan.

AES uchun ko‘rib chiqilayotgan hududlar

Satqaliyev quyidagi yirik imkoniyatli maydonlarni sanab o‘tdi:

Balxash ko‘li atrofi – bu hududda hatto oltita yirik energoblok qurish imkoniyati bor

Kurchatov – kichik va o‘rta quvvatli reaktorlar uchun mos

G‘arbiy Qozog‘istona – energetik qurilmalarni aralash rejimda ishlatish tajribasiga ega

Almasadam Satkaliyev alohida ta’kidlaganidek, Kostanay viloyati ham uzoq muddatli istiqbolda (20–30 yil ichida) AES qurilishi uchun ko‘rib chiqilishi mumkin bo‘lgan hududlardan biri hisoblanadi.

Shu tariqa, Kostanay viloyati Qozog‘istonda atom elektr stansiyalari qurilishi bo‘yicha kelajakdagi ehtimoliy loyihalar qatoriga kiritilgan.

Qozog‘istonda AES loyihalari

Qozog‘istonda ikkinchi atom elektr stansiyasining nomi aniqlandi. Shu bilan birga, mamlakatda atom energetikasini kengaytirish bo‘yicha yirik rejalar amalga oshirilmoqda. Avvalroq o‘tkazilgan tanlov yakunlariga ko‘ra, birinchi atom elektr stansiyasiga «Balqash Nuclear Power Plant» nomi berilgan. Ushbu nom fuqarolar tomonidan kelib tushgan takliflar orasida eng ko‘p ovoz olgan variant bo‘lgan.

Mamlakat rejalariga ko‘ra, 2050-yilga qadar kamida uchta atom elektr stansiyasini ishga tushirish ko‘zda tutilgan. Shu bilan birga, to‘rtinchi stansiya loyihasi ham ehtimoliy tarzda rejalashtirilgan.

Qozog‘iston prezidenti Qosim-Jo‘mart To‘qayev 2025-yil mart oyidagi Qozog‘iston milliy qurultoyi yig‘ilishida mamlakatga bitta emas, balki uchta AES qurish strategik ahamiyatga ega ekanini ta’kidlagan.

2025-yil iyul oyida bosh vazirning birinchi o‘rinbosari Roman Sklyarning ma’lum qilishicha, ikkinchi va uchinchi atom elektr stansiyalarini qurish ishlari Xitoy tomonidan amalga oshiriladi.