Тошкент аэропортида одам савдоси билан боғлиқ жиноят фош этилди

Bugun 13:381 daqiqa

Пойтахтда ўтказилган тезкор тадбирда аёл киши қизларни хорижга жинсий эксплуатация учун олиб чиқмоқчи бўлган пайтда ушланди.

Тошкент аэропортида одам савдоси билан боғлиқ жиноят фош этилди

Тошкентда одам савдоси билан шуғулланган аёл аэропортда қўлга олинди. Бу ҳақда ДХХ ахборот хизмати хабар берди.

Маълум бўлишича, 2002 йилда Тошкент вилоятининг Бўстонлиқ туманида туғилган аёл қизларни хорижий давлатларга жинсий эксплуатация мақсадида юбориш билан шуғулланган. У алдов йўли билан тўрт нафар қиз билан алоқа ўрнатиб, уларни иш ваъдалари билан жалб қилган.

Тезкор тадбир давомида мазкур шахс қизлардан бирини ўзи билан бирга Дубай шаҳрига олиб кетмоқчи бўлган вақтида Тошкент халқаро аэропортида қўлга олинди.

Ҳолат юзасидан Жиноят кодексининг 135-моддаси 2-қисми “з” банди билан жиноят иши қўзғатилди. Айбланувчига нисбатан “қамоқ” эҳтиёт чораси қўлланилди ва айни пайтда тергов ҳаракатлари давом этмоқда.

Қонунчиликка кўра, одам савдоси билан боғлиқ жиноятлар учун 5 йилдан 10 йилгача озодликдан маҳрум қилиш жазоси белгиланган. Мутасаддилар фуқароларни бундай ҳолатларга бефарқ бўлмасликка чақириб, шубҳали вазиятларда тегишли органларга мурожаат қилишни сўрамоқда.

Teglar

ДХХ аэропорт Дубай жиноят Тошкент одамсавдоси

Mavzuga oid

Kecha 17:15

Тошкент зилзиласига 60 йил: Матонат ва бирдамлик ортидан қайта туғилган пойтахт

1966-йилнинг 26-апрели. Тонгги соат 05:23. Тошкент осмонида кучли электр разряди таъсирида ғалати бир нур чарақлаб, сониялар ичида ер қаъридан келган мудҳиш гулдурос ва силкиниш шаҳарни ларзага келтирди. Бугун ўша машъум ва айни пайтда инсонийликнинг олий намунаси кўрсатилган воқеага роппа-роса 60 йил тўлди. Бу сана нафақат табиий офатни ёдга олиш, балки ўзбек халқининг иродаси, бағрикенглиги ва Тошкентнинг мутлақо янги қиёфа касб этишини шарафлаш куни ҳамдир.

Bugun 13:13

Энергия тарифлари ошиши: ваъдалар, вариантлар ва таклифлар

Ижтимоий тармоқлар ва иқтисодий доираларда 2026-йил 15-майдан эътиборан электр энергияси ва табиий газ тарифлари оширилиши ҳақидаги хабарлар тарқалмоқда. Гарчи расмий идоралар ҳозирча сукут сақлаётган бўлса-да, «шамол бўлмаса, дарахтнинг учи қимирламайди».

Bugun 08:55

Ўзбекистонда барқарор тадбиркорлар сони ортмоқда: 2 мингдан зиёд бизнес юқори рейтингга эга

Ўзбекистонда 2,1 минг тадбиркор юқори барқарорлик рейтингини қўлга киритди. Тизим жорий этилгандан буён бундай корхоналар сони 1,3 бараварга кўпайган бўлиб, уларнинг 335 таси энг юқори «ААА» даражасига лойиқ кўрилган.

Bugun 10:55

1-майдан «Тонировка» рухсатномаси 412 минг сўм бўладими?

Ижтимоий тармоқларда тарқалган «тонировка» рухсатномаси 412 минг сўм бўлиши ҳақидаги хабарларга ЙҲХХ расмий баёнот бериб, амалдаги тартиб ўзгармаганини маълум қилди.

Bugun 11:01

Бугун қайси банкларда доллар айирбошлаш қулайроқ?

Ўзбекистонда тижорат банклари 27 апрел куни учун амалда бўладиган долларнинг янги айирбошлаш курсини эълон қилди.

Bugun 10:30