Ярим йилда Тошкент метрополитенидан 155,6 млн йўловчи фойдаланган
Bugun 10:451 daqiqa
Бу кўрсаткич 2025-йилнинг мос даврига нисбатан 7 фоизга ошган.
© Vaqt.uz | Javhar Chorshanbiyeva2026-йилнинг январ-июн ойларида метрополитен орқали 155,6 млн нафар йўловчи ташилган. Бу ҳақда Миллий статистика қўмитаси хабар берди.
Агар йилнинг иккинчи ярмида ҳам шу суръат сақланса, йиллик йўловчилар сони 300 млн нафардан ошиши мумкин. Бу эса Тошкент метроси тарихидаги энг юқори натижа бўлади.
Маълумот учун, сўнгги йилларда метро йўловчилари сони изчил ўсиб бормоқда. 2020-йилда пандемия сабаб бу кўрсаткич 38,8 млн нафаргача тушиб кетган бўлса, кейинги йилларда тез тикланиш кузатилди.
2021-йилда 101,8 млн, 2022-йилда 136,7 млн, 2023-йилда 172 млн, 2024-йилда эса 270,3 млн нафар йўловчи ташилган. 2025-йилда эса ушбу кўрсаткич яна ошиб, 286,8 млн нафарга етди.
