Sentyabrdan ish haqi va stipendiyalar 7 foizga oshiriladi

Bugun 17:501 daqiqa

1-iyuldan pensiya va nafaqalar, 1-sentabrdan esa ish haqi hamda stipendiyalar 7 foizga oshiriladi. Shuningdek, eng kam ish haqi, bazaviy hisoblash miqdori va ijtimoiy to‘lovlarning yangi miqdorlari tasdiqlandi.

Sentyabrdan ish haqi va stipendiyalar 7 foizga oshiriladi

O‘zbekistonda pensiya, nafaqa, ish haqi va stipendiyalar miqdori oshiriladi. Bu Prezidentning 23-iyun kuni qabul qilingan PF–115-sonli farmonida belgilandi.

Farmonga ko‘ra, 2026 yil 1-iyuldan pensiyalar, nafaqalar, shuningdek, Ijtimoiy reyestrga kiritilgan oilalarga to‘lanadigan bolalar nafaqasi va moddiy yordam miqdori 7 foizga oshiriladi.

Shundan so‘ng:

• yoshga doir eng kam pensiya miqdori oyiga 983 ming so‘mni;
• nogironlik pensiyalarining eng kam miqdori oyiga 1 mln 83 ming so‘mni tashkil etadi.

Ijtimoiy reyestrga kiritilgan oilalar uchun bolalar nafaqasi quyidagi miqdorlarda belgilandi:

• 3 yoshgacha bo‘lgan bitta farzand uchun — 386 ming so‘m;
• 3 yoshdan 18 yoshgacha bo‘lgan bitta farzand uchun — 295 ming so‘m;
• ikkinchi farzand uchun qo‘shimcha — 177 ming so‘m;
• uchinchi va undan keyingi har bir farzand uchun qo‘shimcha — 118 ming so‘m.

Shuningdek, Ijtimoiy reyestrga kiritilgan oilalarga beriladigan moddiy yordamning oylik miqdori 450 ming so‘m etib belgilandi.

Farmonga muvofiq, 2026 yil 1-sentabrdan budjet tashkilotlari xodimlarining ish haqi hamda talabalar stipendiyalari ham 7 foizga oshiriladi.

Bundan tashqari:

• 1-iyuldan pensiyani hisoblashning bazaviy miqdori 504 ming so‘m etib belgilanadi;
• 1-sentabrdan mehnatga haq to‘lashning eng kam miqdori 1 mln 360 ming so‘mga yetkaziladi;
• bazaviy hisoblash miqdori esa 440 ming so‘m etib belgilanadi.

Farmon bilan aholining ijtimoiy himoyasini kuchaytirish va fuqarolar daromadlarini qo‘llab-quvvatlash maqsad qilingan.

Teglar

pensiya stipendiya ish haqi nafaqa

Mavzuga oid

Bugun 11:09

O‘zbekistonda «Raqamli Mahalla» platformasi joriy etiladi

Shu bilan birga, kambag‘allikdan xoli mahallalar sonini 3,5 mingtaga yetkazish hamda mamlakatda ishsizlik va kambag‘allik darajasini 4,5 foizgacha kamaytirish rejalashtirilgan.

Kecha 22:19

Kamar taqmaslikka ruxsat beruvchi tibbiy ma’lumotnomalar onlayn berila boshladi

Xizmat xavfsizlik kamarini taqishga to‘sqinlik qiluvchi kasallik tashxisi qo‘yilgan fuqarolar uchun mo‘ljallangan bo‘lib, u to‘liq bepul taqdim etiladi.

Kecha 21:36

Kredit olgan odam vafot etsa, qarzga nima bo‘ladi?

Kredit olgan shaxsning vafot etishi bank oldidagi qarzni avtomatik ravishda bekor qilmaydi. Biroq bu qarz marhumning turmush o‘rtog‘i, farzandlari yoki boshqa yaqinlari zimmasiga shunchaki qarindosh bo‘lgani uchun o‘tmaydi. Qarzning keyingi taqdiri meros tarkibi, kredit ta’minoti, sug‘urta, kafillik va shartnomada boshqa qarzdorlar mavjudligiga qarab belgilanadi.

Bugun 12:25

Namangan aeroportida 2026 yil yakuniga qadar yangi yo‘lovchi terminali ishga tushiriladi

Maydoni 22,6 ming kvadrat metr bo‘lgan uch qavatli terminal bir vaqtning o‘zida soatiga 1,2 ming nafar, yiliga esa 3 milliondan ortiq yo‘lovchiga xizmat ko‘rsata oladi. Loyiha qiymati 175 million dollarni tashkil etadi.

Bugun 17:19

“Tolibon bilan hali biror kelishuv yo‘q, yangi ko‘l esa davlatning o‘z loyihasi” — Suv xo‘jaligi vaziri bilan intervyu

Shavkat Hamrayev Afg‘onistonda qurilayotgan «Qo‘shtepa» kanali bo‘yicha «Tolibon» harakati bilan rasmiy kelishuvlar mavjudligi masalasiga aniqlik kiritdi. Shuningdek, vazir Buxoro cho‘li ortida to‘satdan paydo bo‘lgan va ijtimoiy tarmoqlarda turli shubhali tijoriy loyihalarga bog‘langan ulkan ko‘lning asl egasi kimligi hamda manbasi haqidagi o‘tkir savollarga javob berdi.

Bugun 12:55