29 ta korxona ustun mavqega ega deb e’tirof etildi

O‘zbekiston Respublikasida raqobatni tartibga solish maqsadida qabul qilingan «Raqobat to‘g‘risida»gi Qonunga muvofiq, muayyan tovarlarni ishlab chiqarish, sotish yoki xarid qilishda mutlaq va yoki eksklyuziv huquqqa ega bo‘lgan sub’ektlar ustun mavqega ega deb e’tirof etiladi. Shu huquqiy asosga tayanadigan holda, Raqobatni rivojlantirish va iste’molchilar huquqlarini himoya qilish qo‘mitasi tomonidan joriy yilda 29 ta xo‘jalik yurituvchi sub’ekt ustun mavqega ega deb topildi. Bu sub’ektlar mamlakatdagi tovar va moliya bozorlarida muayyan afzalliklarga ega bo‘lib, ularning faoliyati raqobat muhitiga jiddiy ta’sir ko‘rsatishi mumkin. Ushbu qaror qonunchilikka muvofiq ravishda rasmiy tartibda qabul qilingan bo‘lib, unga ko‘ra mazkur sub’ektlarga nisbatan bozorda ustun mavqe sohibi sifatida tegishli majburiyatlar yuklatilishi mumkin. Bu esa, o‘z navbatida, raqobatda teng shart-sharoitlar yaratilishi va iste’molchilar manfaatlari himoya qilinishini ta’minlashga qaratilgan. Qo‘mitaning ma’lum qilishicha, mazkur ro‘yxatdagi sub’ektlarga berilgan huquqlar ularning bozordagi faoliyatini samarali tashkil etish uchun muhim hisoblanadi. Shu bilan birga, ularning faoliyati doimiy monitoring ostida bo‘ladi va qonunbuzarlik holatlariga yo‘l qo‘yilmasligi ta’minlanadi.