Бизнес учун кредитни қайси банкдан олган маъқул?

Bugun 18:552 daqiqa

Марказий банк янги ҳафта учун юридик шахсларга ажратиладиган кредитлар бўйича янгиланган фоиз ставкаларини эълон қилди.

Бизнес учун кредитни қайси банкдан олган маъқул?

Марказий банкнинг 2026-йил 4-май ҳолатига кўра, юридик шахслар учун кредитлар бўйича ўртача фоиз ставкаларини эълон қилди. Янги ҳафтада юридик шахслар учун кредитлар бўйича фоиз ставкалари бироз пасайиб, айланма маблағларни тўлдириш учун ўртача ставка 23,2 фоизни, асосий воситалар хариди учун эса 22,9 фоизни ташкил этган. Ўтган ҳафтада бу кўрсаткичлар мос равишда 23,5 ва 23,4 фоиз даражасида қайд этилган эди.

Янги ҳафтада айланма маблағларни тўлдириш сегментида фоизлар 20,8 фоиздан 34,0 фоизгача оралиқда шаклланган. Бу йўналишда энг паст ставка «Milliy bank»да (20,8 фоиз), «Orient Finans bank»да (21,1 фоиз) ва «Aloqabank»да (21,4 фоиз) қайд этилган. Шунингдек, «KDB bank» (21,5 фоиз), «Mikrokreditbank» (22,0 фоиз) ва «Ipotekabank» (22,3 фоиз) ҳам нисбатан мақбул шартларни таклиф қилмоқда.

Ўрта сегментда ставкалар асосан 23–25 фоиз оралиғида жойлашган. Жумладан, «Xalq banki» (22,5 фоиз), «Hamkorbank» (23,2 фоиз), «Trastbank» (23,5 фоиз), «Agrobank» (23,7 фоиз), «Ziraatbank» (23,8 фоиз), «Apex bank» (24,0 фоиз) ва «Infinbank» (24,1 фоиз) шу гуруҳга киради.

Юқори сегментда эса фарқ анча катта. «Ipak Yo‘li bank» ва «BRB» (24,2 фоиз), «Davr bank» ва «Kapitalbank» (24,4 фоиз), «Tengebank» (24,8 фоиз) ҳамда «Asia Alliance bank» (24,9 фоиз) ставкалари қайд этилган. Энг юқори фоизлар «TBC bank»да (34,0 фоиз), «Madad Invest bank»да (29,5 фоиз) ва «Anor bank»да (28,4 фоиз) кузатилди.

Асосий воситаларни харид қилиш учун ажратиладиган кредитларда эса ставкалар 20,2 фоиздан 27,5 фоизгача бўлган. Бу сегментда энг паст ставка «Trastbank»да (20,2 фоиз), «Milliy bank»да (20,3 фоиз) ва «Xalq banki»да (20,5 фоиз) қайд этилди. Шунингдек, «Orient Finans bank» (20,8 фоиз), «Asia Alliance bank» (21,1 фоиз) ва «Turon bank» (21,7 фоиз) ҳам нисбатан паст ставкаларни таклиф қилмоқда.

Ўрта сегментда «SQB» (22,1 фоиз), «Mikrokreditbank» (22,8 фоиз), «Aloqabank» (23,0 фоиз), «Ipotekabank» ва «BRB» (23,1 фоиз), «Agrobank» (23,3 фоиз), «Asakabank» (23,5 фоиз) ҳамда «Infinbank» (23,6 фоиз) жой олган.

Юқори сегментда эса «Hamkorbank» (24,5 фоиз), «Ipak Yo‘li bank» (24,6 фоиз), «Davr bank» (24,7 фоиз) ва «Kapitalbank» (24,9 фоиз) қайд этилган. Энг юқори ставка «Garant bank»да — 27,5 фоиз.

Эслатиб ўтамиз, аввалроқ тижорат банклари томонидан аҳолига ажратилган микроқарз ва автокредитлар бўйича ўртача фоиз ставкалари ҳақида маълумот берган эдик.

Teglar

бизнес кредит банклар фоиз молия Марказийбанк

Mavzuga oid

Bugun 17:56

Компания номи ёзилган пешлавҳалар реклама деб ҳисобланмайди

Президент маъқуллаган таклифга кўра, корхона номи ва фаолият турини билдирувчи ахборот белгилари реклама сифатида баҳоланмайди, улар учун махсус паспорт талаби ҳам бекор қилиниши режалаштирилмоқда.

Kecha 22:53

Пандемиядаги кўрсаткичлар: эскроу тизими бозорга қандай таъсир қилди?

Янги тизим жорий қилингач, апрель ойида кўчмас мулк савдоси 3,2 баробарга, автомобил савдоси 4,7 баробарга пасайиб кетди.

Bugun 13:25

Ўзбекистонда Фахрий мақоми жорий этилади

Янги қонун лойиҳасига кўра, Фахрий мақомига эга шахсларга тиббий, солиқ ва коммунал имтиёзлар тақдим этилади.

Bugun 16:00

Тошкентда янги аэропорт очилса, эскиси ёпилиши мумкин

Транспорт вазири ўринбосари Жасурбек Чориев пойтахт учун янги халқаро аэропорт қурилиши июнда бошланишини, ишга тушгач амалдаги аэропорт ёпилиши режалаштирилаётганини маълум қилди.

Bugun 16:15

Жанубий Кореядан пул ўтказмалари янада қулайлашди: Octobank HUMO карталарига E9PAY улади

Octobank Жанубий Кореядан HUMO карталарига E9PAY орқали пул ўтказмаларини йўлга қўйди.

Bugun 13:55

Тадбиркор шина брендига қарши асоссиз реклама тарқатгани учун судга берилди

Хоразм вилоятида шина ва аккумулятор савдоси билан шуғулланувчи компанияга қарши ижтимоий тармоқларда асоссиз салбий маълумотлар тарқатган тадбиркорга нисбатан маъмурий иш қўзғатилди.