Бухорода 1 мрлд сўмдан ортиқ омонат пулларини ўзлаштирган фирибгарлар қўлга олинди

Bugun 20:202 daqiqa

Ўзини Марказий банк ходими сифатида таништирган фирибгарлар Бухородаги бухгалтер аёлни «омонатингиз хавф остида» дея ишонтириб, унинг тўртта банкда сақланган 1 миллиард сўмдан ортиқ маблағларини ўзлаштирган.

Бухорода 1 мрлд сўмдан ортиқ омонат пулларини ўзлаштирган фирибгарлар қўлга олинди

Бухоро вилоятида йирик ташкилотлардан бирида бухгалтер бўлиб ишлайдиган аёл телефон орқали амалга оширилган фирибгарлик қурбонига айланди. Бу ҳақда Ички ишлар вазирлиги матбуот хизмати хабар қилди.

Маълум қилинишича, 2025 йил 1 декабр куни номаълум шахслар жабрланувчига Telegram орқали қўнғироқ қилиб, ўзларини Марказий банк ходимлари сифатида таништирган. Улар тижорат банкларидаги омонатлар хавф остида эканини айтиб, маблағларни «хавфсиз» картага ўтказиш кераклигига аёлни ишонтирган.

Натижада жабрланувчи тўртта банкда сақланган жами 1 миллиард 9 миллион сўм омонатини фирибгарлар айтган ҳисобларга ўтказиб юборган. Бир неча кундан кейин у алдовга учраганини англаб, ҳуқуқни муҳофаза қилувчи органларга мурожаат қилган.

Пуллар турли «дроп-карта»ларга тарқатилган

Тергов маълумотларига кўра, жиноятчилар маблағларни яшириш учун мураккаб «дроп-карта» схемасидан фойдаланган. Ўғирланган пуллар турли ҳудудлардаги фуқаролар номига расмийлаштирилган карталар орқали тарқатилган.

Жумладан, 325 миллион сўм пойтахтлик фуқаро номидаги карталарга ўтказилган ва кейин нақдлаштирилган. Яна 274 миллион сўм Хоразм вилоятидаги шахс картаси орқали Тошкент банкоматларидан ечиб олинган.

238 миллион сўм талабанинг картаси орқали айлантирилиб, кейин криптовалютага алмаштирилган. Қолган маблағлар эса Андижон вилояти, Сирдарё вилояти, Наманган вилояти ва Жиззах вилоятидаги карталар орқали тарқатилган.

Икки гумондор қўлга олинди

Бухоро вилояти ИИБнинг кибержиноятларга қарши курашиш бўлими ходимлари томонидан ўтказилган тезкор тадбирларда асосий икки гумондор Тошкент шаҳрида ушланган.

Уларнинг автомобили кўздан кечирилганда бир нечта мобил телефонлар, СИМ-карталар, ўнлаб пластик карталар ва 100 миллион сўмдан ортиқ нақд пул мусодара қилинган.

Гумондорларга нисбатан фирибгарлик моддаси бўйича жиноий иш қўзғатилган. Шунингдек, жабрланувчидан ўғирланган 1 миллиард 9 миллион сўм тўлиқ қайтарилгани маълум қилинди.

Teglar

фирибгарлик ИИВ омонат Бухоро кибержиноят дропкарта

Mavzuga oid

Bugun 17:30

Бандликка кўмаклашиш давлат жамғармаси ҳисобидан субсидия ажратиш тартиби белгиланди

Ногиронлиги бўлган шахслар учун иш ўринлари ва меҳнат шароитларини мослаштирган иш берувчиларга давлат томонидан БҲМнинг 40 бараваригача субсидия ажратилади.

Bugun 19:55

Хантавируснинг Ўзбекистонда тарқалиш эҳтимоли борми?

Нурмат Атабеков ҳолат бўйича изоҳ берди.

Bugun 16:59

Ўзбекистонда йирик инвестиция лойиҳалари коррупцияга қарши экспертизадан ўтказилади

50 млн доллардан ортиқ инвестиция жалб қилинган йирик лойиҳалар коррупцияга қарши экспертизадан ва рақобат муҳитига таъсири бўйича баҳоланади.

Kecha 19:26

Андижонда наркотик савдоси билан шуғулланганлар қамалди

Қирғизистондан гиёҳвандлик воситаларини олиб кириб, Ўзбекистонда тарқатиш билан шуғулланган жиноий гуруҳ аъзоларига суд ҳукми ўқилди.

Bugun 18:30

Оҳангаронда «Миллий саноат занжири» кўргазмаси бўлиб ўтади

Жорий йилнинг 14-15-май кунлари Тошкент вилоятининг Оҳангарон шаҳрида тоғ-кон саноати ва металлургия йўналишида кўргазма ташкил этилади.

Kecha 21:00

Ўзбекистон компаниялари Гонконг биржасига чиқиши мумкин

Ўзбекистон компаниялари учун Гонконг фонд биржасига чиқиш имконияти пайдо бўлиши мумкин. Бу маҳаллий бизнесга халқаро инвесторларни жалб қилиш ва жаҳон капитал бозорига чиқиш йўлини очади.