Газ етиб бормаган ҳудудларда электр учун имтиёз тартиби қачон ишлаб чиқилади?

Bugun 18:151 daqiqa

Президентнинг янги фармони билан махсус Электрлаштириш концепцияси ишлаб чиқилади. Мазкур лойиҳа доирасида нафақат имтиёзли тарифлар қачон ва қандай тартибда кучга кириши белгиланади, балки аҳолига энергия тежамкор техникаларни харид қилишда молиявий кўмак бериш тизими йўлга қўйилади.

Газ етиб бормаган ҳудудларда электр учун имтиёз тартиби қачон ишлаб чиқилади?

Ўзбекистонда табиий газ етиб бормаган ва уйини иситиш учун электр энергиясидан фойдаланадиган аҳоли учун имтиёзли тарифлар белгиланиши режалаштирилмоқда. Мазкур тартиб 2027 йилдан бошлаб амалиётга татбиқ этилиши мумкин.

Бу ҳақда Ўзбекистон Республикаси Президентининг 2026 йил 22 сентябрдаги «Ёқилғи-энергетика тармоғини янада ривожлантириш чора-тадбирлари тўғрисида»ги ПФ–202-сонли фармонида маълум қилинди. Ҳужжатда илк бор газлашмаган ҳудудлар учун электр энергиясига имтиёзли тарифларни жорий қилиш вазифаси белгиланган.

Электрлаштириш концепцияси ва янги механизмлар

Фармонга мувофиқ, масъул ташкилотлар зиммасига 2027 йилнинг февралига қадар махсус Электрлаштириш концепциясини ишлаб чиқиш вазифаси юклатилган.

Концепция доирасида электрлаштириладиган истеъмолчилар, шунингдек, табиий газ таъминоти мавжуд бўлмаган ва иситиш мақсадида электр энергиясидан фойдаланиб келаётган истеъмолчилар учун электр энергиясининг имтиёзли тарифларини белгилаш кўзда тутилган.

Шунингдек, мазкур концепциянинг муҳим йўналишларидан бири сифатида аҳолини қўллаб-қувватлашнинг янги тизими йўлга қўйилади. Унга кўра, электрлаштириш натижасида алмаштириладиган энергия самарадорлиги юқори бўлган маиший техникаларни сотиб олишда аҳолига кўмак бериш механизмлари жорий этилади.

Тайёрланган ушбу лойиҳа 2027 йилнинг апрелига қадар ҳукуматга киритилиши керак.

Teglar

энергетика Президент фармони табиий газ иситиш тизими.Ўзбекистон электр энергияси имтиёзли тарифлар Электрлаштириш концепцияси

Mavzuga oid

Bugun 10:00

Хитой Ўзбекистонга қирувчи самолётлар етказиб берганини тасдиқлади

Ўзбекистон дунёда Покистондан кейин «J-10CE» самолётларидан фойдаланувчи иккинчи хорижий давлатга айланди.

Kecha 19:55

Ипотека, автокредит ва микроқарзлар қандай фоизларда берилмоқда?

Марказий банк 21 сентябрь ҳолатида 5 хил турдаги кредит пуллари қайси банкларда пастроқ фоизларда ажратилаётганини таҳлил қилди.

Bugun 11:40

Намангандаги воқеа ортидан барча давлат боғчаларида текширув бошланди

Мактабгача ва мактаб таълими вазирлиги Наманган вилоятидаги давлат боғчасида 5 ёшли тарбияланувчига нисбатан жинсий зўравонлик ҳолати ортидан махсус ишчи гуруҳ тузди.

Kecha 19:25

Наманганда 5 ёшли болага нисбатан жинсий зўравонлик: гумонланувчи қамоққа олинди

Очиқланган маълумотларга кўра, гумонланувчи давлат боғчасида хўжалик ишлари бўлими, жумладан омбор учун масъул ходим бўлган.

Kecha 22:55

1 млн доллар пора билан қамалган «Ўзагролизинг» собиқ раиси, Самарқандга келаётган АҚШ Давлат котиби ва «BlackRock» ёрдамида очиладиган молия маркази — 25 сентябр дайжести

Кун давомида Ўзбекистонда юз берган воқеалар ва ҳодисалар, ёритилган янгиликлар ва хабарларнинг энг муҳимларини яна бир бор эсга оламиз.

Kecha 18:28

“Biznesni rivojlantirish banki" rahbariyati Andijonda tadbirkorlar bilan muloqot qildi

Davlatimiz rahbarining 23–24-sentyabr kunlari Andijon viloyatiga tashrifi davomida tadbirkorlikni qoʻllab-quvvatlash, investitsiyalarni samarali yoʻnaltirish va bank xizmatlarini yangi bosqichga olib chiqish masalalariga alohida eʼtibor qaratildi.