Ироқ ОПЕКдан чиқиши мумкин

Bugun 22:571 daqiqa

Мамлакат АҚШ ҳамда Эрон ўртасидаги можаро туфайли кўрилган иқтисодий йўқотишларни қоплашга ҳаракат қилмоқда.

Ироқ ҳукумати ОПЕК томонидан нефт қазиб олиш квотасини ошириш бўйича таклиф рад этилса, ташкилотдан чиқиш имкониятини кўриб чиқмоқда. Бу ҳақда ҳукуматдаги манбаларига таяниб, «Shafaq News» агентлиги хабар берди.

Қайд этилишича, ушбу режа Ироқнинг нефт экспорт ҳажмини ошириш ва АҚШ ҳамда Эрон ўртасидаги можаро туфайли кўрилган иқтисодий йўқотишларни қоплаш ҳаракатларининг бир қисми ҳисобланади.

Қарор қачон қабул қилинади?

Манбаларнинг айтишича, нефт ишлаб чиқаришни ошириш ёки ОПЕКдан чиқиш бўйича якуний қарор Ироқ бош вазири Али аз-Зейдининг июл ойи ўрталарида Вашингтонга режалаштирилган ташрифидан кейин қабул қилиниши мумкин.

Ироқ ОПЕКда Саудия Арабистонидан кейинги иккинчи энг йирик нефт ишлаб чиқарувчи мамлакат ҳисобланади. Мамлакат давлат бюджети даромадларининг қарийб 90 фоизи нефт экспорти ҳиссасига тўғри келади.

Бағдод экспорт қилаётган нефтнинг асосий қисми денгиз орқали жўнатилади ва унинг тахминан 95 фоизи Ҳўрмуз бўғози орқали ўтади.

Эслатиб ўтамиз, 1 май куни Бирлашган Араб Амирликлари ҳам ОПЕК ва ОПЕК+дан чиққанини маълум қилган эди. Мамлакат расмийлари бу қарор миллий манфаатлардан келиб чиққан ҳолда қабул қилинганини, бошқа давлатларга қарши қаратилмаганини билдирган.

Агар Ироқ ҳам ташкилотни тарк этса, бу ОПЕКнинг бозордаги таъсири ва глобал нефт сиёсатига жиддий таъсир кўрсатиши мумкин.

Teglar

нефть бозор квота экспорт Ироқ ОПЕК

Mavzuga oid

Kecha 08:00

БМТ Исроилнинг геноцид уруши бўйича ҳисобот эълон қилди

Тергов маълумотларига кўра, Исроил ҳукумати ва хавфсизлик кучлари атайлаб фаластинлик болаларни нишонга олмоқда.

22.06.2026 | 08:55

Қримдаги барча ёқилғи қуйиш шохобчаларида бензин сотиш бутунлай тўхтатилди

Аввалроқ, Севастополдаги ёқилғи қуйиш шохобчалари тармоғида ҳафтасига бир марта 20 литр бензин сотиб олиш ҳуқуқини берувчи QR-кодли талонлар тизими жорий этилган эди.

22.06.2026 | 17:16

Озарбойжон Туркманистонга нефть танкерини совға қилди

Танкерни топшириш маросими Туркманистон президенти Сердар Бердимуҳамедовнинг Бокуга амалга оширган давлат ташрифи доирасида бўлиб ўтди.

Kecha 20:20

Нефт гиганти бўлган Россия ёқилғисиз қолмоқда

Ёқилғи савдосига чекловлар Россиянинг ҳар тўртинчи ҳудудига ёйилди. Муаммони ҳал қилиш учун ҳатто импорт варианти ҳам кўриб чиқиляпти.

20.06.2026 | 21:20

1 миллиард баррелдан ортиқ нефт ғойиб бўлди — дунё янги инқироз ёқасида

Ҳўрмуз бўғозининг очилиши ва АҚШ-Эрон ўртасидаги келишув нефт бозоридаги ваҳимани бир зумга юмшатган бўлса-да, таҳлилчилар вазият ҳали ҳам жиддий эканидан огоҳлантирмоқда.

Kecha 17:39

Ўзбекистон Европа ва АҚШдан газ инвесторларини қидирмоқда — Bloomberg

Агентлик хабар беришича, ҳукумат British Petroleum билан келишувдан сўнг газ конларини ривожлантириш учун Ғарб давлатлари билан ҳамкорлик қилиш устида ишламоқда.