Navoiy xalqaro aeroportiga yangi direktor tayinlandi

Kecha 19:051 daqiqa

Direktor etib tayinlangan Alisher Klichev oldin ham bu aeroportni boshqargan.

Navoiy xalqaro aeroportiga yangi direktor tayinlandi

Alisher Klichev «Navoiy xalqaro aeroporti» mas’uliyati cheklangan jamiyati direktori etib tayinlandi. Bu haqda Navoiy viloyati hokimligi axborot berdi.

Ma’lum qilinishicha, Alisher Klichev ushbu lavozimga aviatsiya sohasidagi katta tajribasi inobatga olingan holda tayinlangan.

U bunga qadar «O‘zaeronavigatsiya» markazi davlat unitar korxonasining Telekommunikatsiya va axborot texnologiyalari boshqarmasi boshlig‘i sifatida faoliyat yuritib kelgan.

Qayd etish joiz, Alisher Ne’matullayevich Klichev 2019 yil 11-dekabrdan Navoiy xalqaro aeroportini boshqarib kelgan, ammo 2020 yil 22-oktabr kuni lavozimidan ozod etilgan edi.

Yangi tayinlov Shavkat Mirziyoyev 2-fevral kuni Navoiy xalqaro aeroporti faoliyati samaradorligini oshirish va aviatsiya korxonalarini transformatsiya qilish bo‘yicha taqdimot bilan tanishganidan so‘ng e’lon qilindi. Taqdimot doirasida aeroportni rivojlantirish bo‘yicha ishlab chiqilgan biznes-reja ham namoyish etildi.

Ushbu rejaga ko‘ra, tijorat va noaviatsiya faoliyati ko‘rsatkichlarini 50 foizga oshirish, 25 tadan ortiq aviakompaniyaning doimiy parvozlarini yo‘lga qo‘yish hamda qayta ishlanadigan yuk hajmini 20 ming tonnadan oshirish ko‘zda tutilgan. Shuningdek, Navoiy xalqaro aeroportiga markazlashgan boshqaruv tizimidan mustaqil ravishda mahalliy va xorijiy aviakompaniyalar bilan to‘g‘ridan-to‘g‘ri muzokaralar olib borish huquqi berilishi rejalashtirilgan.

Teglar

aviatsiya tayinlov Navoiyaeroporti AlisherKlichev UzbekistanAirports

Mavzuga oid

Kecha 21:44

15 mln o‘zbekistonlikning shaxsiy ma’lumotlari o‘g‘irlandi: mas’ullar hamon sukutda

15 milliondan ortiq fuqarolarning shaxsiy ma’lumotlari internetga chiqib ketgani haqidagi xabarlar jamoatchilikni jiddiy xavotirga solmoqda. Ism-familiya, pasport ma’lumotlari va JSHSHIR kabi o‘ta hassos axborotlar ehtimoliy ravishda ochiq aylanmaga tushgan bir paytda, mas’ul idoralardan aniq va tushunarli izohlar hamon yo‘q.

Kecha 19:23

Shavkat Mirziyoyev Pokistonga boradi

O‘zbekiston rahbari Islomobodda Pokiston Prezidenti Asif Ali Zardoriy, Bosh vazir Shahboz Sharif, Mudofaa kuchlari Oliy Bosh qo‘mondoni – Qurolli Kuchlarning quruqlikdagi qo‘shinlar qo‘mondoni, feldmarshal Asim Munir bilan muzokaralar o‘tkazadi.

Kecha 18:43

O‘tgan yili Umra ziyoratini noqonuniy tashkil etish bo‘yicha 178 ta jinoiy ish ochilgan

2025 yilda Umra ziyoratini litsenziyasiz faoliyatni amalga oshirgan 47 ta, reklama to‘g‘risidagi qonun hujjatlarini buzgan 15 ta turistik tashkilotlarga jarimalar qo‘llanilgan.

Kecha 20:27

«Tugamagan ishlarni muhokama qilmaylik». Alisher Usmonov qamoqqa olingan sudyalar haqida

Akmal Shukurovning ozod qilinishi ortidan qamoqqa olingan sudyalar ishi hali tegrov qilinmoqda. Oliy sud raisining birinchi o‘rinbosari ish bo‘yicha hozircha izoh bermasligini aytdi.

Kecha 22:37

Samarqandda nonga chiqqan qizaloqni «adashib» o‘g‘irlab ketgan erkaklar besh yilga qamaldi

Ular qizni urgan, sochlaridan tortib, mashinaga majburan o‘tqazgan va olib qochib ketgan. Sudlanuvchilar qizni o‘zlari bilan jinsiy aloqada bo‘lishini istagan boshqa qiz bilan adashtirganini da’vo qilgan.

Kecha 16:45

Toshkent ko‘chalaridagi 8 yil oldin xavfli deb topilib olib tashlangan to‘siqlar yana o‘rnatilmoqda

Toshkent shahridagi yirik ko‘chalar o‘rtasiga metall to‘siqlar qayta o‘rnatila boshladi. 2017-2018 yillarda poytaxt hokimligi va YHXB ularni xavfli va samarasiz deb aytgan edi.