Orol dengizi tubini ko‘kalamzorlashtirishda qo‘shnilar hamkorlik qiladi

Qoraqalpog‘iston Respublikasi ekologiya vaziri Leyli Seitova ma’lum qilishicha, asosiy maqsad — ekologik muvozanatni tiklash, havodagi changi va tuzni kamaytirish, shuningdek, mavjud suv manbalarini saqlab qolish. O‘zbekiston hududida 2018 yildan buyon 2 mln ha maydonda saksovul ekib kelinmoqda. Avvalroq saksovul tuproqdan havoga ko‘tariladigan changi va tuzni 15–18 foizgacha ushlab qolishi aytilgan bo‘lsa, so‘nggi natijalar bu ko‘rsatkich 35–40 foizga yetganini ko‘rsatmoqda. Joriy yilda yana 15 ming ha yerda o‘simliklar ekish rejasi bor. Bundan tashqari, avvalroq Orol tubida sho‘rlashishga chidamli ulkan qamish turlari sinovdan o‘tkazilgani ma’lum qilingan edi. O‘zaro hamkorlikda amalga oshiriladigan ushbu tashabbus nafaqat atrof-muhitni muhofaza qilish, balki mintaqaning ijtimoiy-iqtisodiy barqarorligiga hissa qo‘shishi kutilmoqda.