Ўзбекистон Қирғизистонга йирик бизнес таклифларини берди

Bugun 21:552 daqiqa

Инвестициялар, саноат ва савдо вазири Лазиз Қудратов Қирғизистон билан фармацевтика ва саноатда қўшма ишлаб чиқаришни йўлга қўйишни таклиф қилди. Унинг таъкидлашича, бундай кооперация икки мамлакатга ЕОИИ ва Жанубий Осиё бозорларига чиқиш имконини беради.

Ўзбекистон Қирғизистонга йирик бизнес таклифларини берди

Ўзбекистон инвестициялар, саноат ва савдо вазири Лазиз Қудратов Қирғизистон–Ўзбекистон бизнес форумида икки давлат ўртасида қўшма фармацевтика ишлаб чиқаришини йўлга қўйиш таклифини билдирди.

Унинг сўзларига кўра, бундай кооперация орқали ЕОИИ бозорига чиқиш имкониятларини кенгайтириш мумкин.

Вазирнинг таъкидлашича, Ўзбекистон Евроосиё иқтисодий иттифоқига аъзо эмас. Бироқ Қирғизистон билан ҳамкорликда ташкил этиладиган ишлаб чиқаришлар ЕОИИ мамлакатлари бозорига чиқиш учун янги имконият яратади.

«Ўзбекистон ЕОИИ аъзоси ҳисобланмайди, аммо Қирғизистон билан ҳамкорлик қилиш орқали бу ерда самарали фармацевтика ишлаб чиқаришларини ташкил этишимиз ва кейинчалик ЕОИИ бозорларига чиқишимиз мумкин. Ёки Ўзбекистон орқали Жанубий Осиё йўналишида ишлаш имконияти мавжуд», — деди Қудратов.

Бозор ҳажми катта

Вазирнинг маълум қилишича, Қирғизистон ҳар йили 2 миллиард доллардан ортиқ фармацевтика маҳсулотларини импорт қилади. Жанубий Осиё мамлакатларида ушбу бозор ҳажми тахминан 65 миллиард долларга, ЕОИИ мамлакатларида эса 30 миллиард долларга тенг.

Шунингдек, электротехника саноати ҳам ҳамкорликнинг истиқболли йўналиши сифатида қайд этилди.

Унинг сўзларига кўра, Қирғизистон ва Ўзбекистон сезиларли мис, алюминий ва бошқа хом ашё захираларига эга бўлиб, бу трансформаторлар, электр двигателлари, кабел-ўтказгич ва бошқа маҳсулотларни биргаликда ишлаб чиқаришни ривожлантириш имконини беради.

Қайд этилишича, сўнгги уч йилда Ўзбекистон электротехника маҳсулотлари экспортини 162 мамлакатгача кенгайтирган.

Янги қўшма лойиҳалар

Форумда қишлоқ хўжалиги, тўқимачилик ва чорвачилик соҳаларида ҳам ҳамкорликни кучайтириш таклиф қилинди.

Хусусан, ноябр ойида Иссиқкўл вилоятида картошкани саноат усулида етиштириш лойиҳасини бошлаш, октябр ойида эса Чуй вилоятида кўчатлар етиштириш учун «Дўстлик боғи»ни ташкил этиш режалаштирилган.

Ўзбекистон, шунингдек, жун ва тери маҳсулотларини қайта ишлаш ҳамда тўқимачилик маҳсулотлари ишлаб чиқариш бўйича қўшма лойиҳаларни амалга оширишдан манфаатдор экани билдирилган.

Teglar

Қирғизистон фармацевтика инвестиция Ўзбекистон ЕОИИ Қудратов

Mavzuga oid

Bugun 19:15

Марказий банк: Асосий ставкани пасайтириш масаласи муҳокама қилинмади

Марказий банк 29 июль куни бўлиб ўтган йиғилишда асосий ставкани пасайтириш вариантини ҳатто муҳокамага ҳам қўймаган. Ammo regulyator kelgusida iqtisodiy sharoit talab etsa, stavkani 0,25 foizlik qadamlar bilan pasaytirish ehtimolini istisno qilmadi.

Bugun 20:30

Тошкент туманлари саноат зоналарига боғланади: Инвесторларга янги ер майдонлари ажратилади

Тошкентни ривожлантириш бўйича Президент қарори қабул қилинди. Ҳужжатга кўра, пойтахт туманларига саноат зоналаридан ер майдонлари ажратилади, Олмазорда Креатив парк ҳамда 24 соатлик сайилгоҳларда «Китоб кўчалари» ташкил этилади.

Bugun 18:55

3,5 млн долларлик имтиёзли кредит ажратиш учун пора талаб қилган банк ходими қўлга олинди

Тошкентда банк ходими ва унинг шериги тадбиркорга имтиёзли кредит олиб беришни ваъда қилиб, 420 минг АҚШ доллари талаб қилган.

Bugun 18:39

Ўзбекистон Хитойдан 24 та қирувчи самолёт сотиб олиши мумкин

2025-йил май ойида Покистон Ҳиндистон билан можаро чоғида J-10 қирувчиларидан фойдалангани ҳақидаги хабарлар ушбу моделга бўлган қизиқишни кучайтирган.

Bugun 16:21

Ўзбекистонда «Золотая Корона» ўтказмалари келаси ҳафта қайта тикланиши мумкин

Тўлов тизими операторига нисбатан санкциялар жорий этилиши ортидан мамлакатдаги 15 дан ортиқ банк «Золотая Корона» орқали пул ўтказишни вақтинча тўхтатганини эълон қилганди.

Bugun 21:30