O‘zbekiston Rossiyadan har yili 7000 bosh zotdor sigir sotib oladi

Bugun 13:552 daqiqa

O‘zbekistonda aholi daromadini oshirish va oziq-ovqat ta’minotini kuchaytirish uchun Rossiya bilan yirik agrar loyihalar muhokama qilindi.

O‘zbekiston Rossiyadan har yili 7000 bosh zotdor sigir sotib oladi

O‘zbekiston Rossiyadan har yili 7000 bosh golshtein zotli naslli qoramol olib kelishni rejalashtirmoqda. Ularni mahallalardagi oilalarga taqsimlash taklif etilgan. Bu masala 11-sentabr kuni Moskvada O‘zbekiston Savdo-sanoat palatasi raisi Davron Vahobov va «STEP» agroxoldingi bosh direktori Andrey Nedujko o‘rtasidagi muzokaralarda muhokama qilindi.

Tomonlar agrosanoat sohasida qo‘shma loyihalarni amalga oshirish, jumladan, naslli qoramol yetkazib berish masalalarini ko‘rib chiqdi. Golshtein zotidagi sigirlar sutkasiga 40 litrgacha va undan ko‘proq sut berishi mumkinligi qayd etildi.

Tashabbusdan maqsad oilaviy tadbirkorlikni rivojlantirish va aholi uchun barqaror daromad manbai yaratishdan iborat. Shu orqali oilalarning kambag‘allikdan chiqishiga ham ko‘maklashish ko‘zda tutilmoqda.

500 ming tonna bug‘doy

Muzokaralarda O‘zbekistonga Rossiyadan bug‘doy yetkazib berish imkoniyatlari ham muhokama qilindi. Rossiyada hosil yuqori bo‘lgani inobatga olinib, Kaspiy dengizi orqali 500 ming tonnagacha bug‘doy olib kelish taklif etildi.

Donni O‘zbekistonga yetkazishda Rossiyaning Astraxan va Maxachqala portlaridan foydalanish rejalashtirilmoqda.

Savdo-sanoat palatasi ma’lumotlariga ko‘ra, uchrashuvda qishloq xo‘jaligi mahsulotlarini yetishtirishdan tashqari, ularni qayta ishlashga qaratilgan loyihalar ham muhokama qilingan.

Tomonlar sut va qandolat mahsulotlari ishlab chiqarishni mahalliylashtirishni ham ustuvor yo‘nalishlardan biri sifatida belgiladi. Bu yo‘nalishda qo‘shma korxonalar tashkil etish imkoniyatlari muhokama qilindi.

Muzokaralar yakunida O‘zbekiston va Rossiya vakillari rejalashtirilgan loyihalarni amalga oshirishning aniq mexanizmlarini ishlab chiqishga kelishib oldi. Loyihalar chorvachilik, don ta’minoti va oziq-ovqat sanoatini qamrab oladi.

Eslatib o‘tamiz, avvalroq O‘zbekiston Hindistondan go‘sht importini kengaytirishni rejalashtirayotgani haqida xabar berilgandi.

Teglar

chorvachilik sut bug‘doy agrosanoat qoramol Rossiya

Mavzuga oid

Bugun 10:46

Shavkat Mirziyoyev Janubiy Koreya bilan «Yangi Ipak yo‘li»ni barpo etishni taklif qildi

Mirziyoyev Koreyaning ilg‘or texnologiyalari, kapitali va sanoat salohiyatini O‘zbekiston hamda Markaziy Osiyoning resurslari va geografik imkoniyatlari bilan uyg‘unlashtirishni taklif qildi.

12.09.2026 | 23:37

Alimentni oylik daromadga qarab hisoblash tartibi bekor qilinishi mumkin

Qonunchilikka ko‘ra, rasmiy daromad oluvchilar ham, norasmiy ishlaydigan shaxslar ham alimentni o‘z oylik daromadidan kelib chiqqan holda to‘laydi. Bunda 1 bola uchun — ish haqining to‘rtdan bir qismi, 2 farzand uchun — uchdan bir qismi va 3 va undan ortiq bola uchun — ish haqining yarmi undiriladi.

Kecha 15:51

O‘zbekistonda mansabdor shaxslarning sud ishlariga aralashganligi uchun 5 yilgacha qamoq jazosi tayinlanadi

12-sentabrdan kuchga kirgan qonun bilan sudyaga noqonuniy ta’sir o‘tkazish uchun jinoiy javobgarlik aniqlashtirildi. Sud binosida tartibni buzish yoki raislik qiluvchining farmoyishiga bo‘ysunmaslik uchun ham jarima belgilandi.

Bugun 08:55

Nikoh shartnomasi tuzgan juftliklar uchun davlat boji bekor qilinishi rejalashtirilmoqda

O‘zbekistonda nikoh shartnomasi tuzgan juftliklarni nikohni qayd etganlik uchun davlat bojidan ozod qilish taklif etilmoqda. Hukumat vakili Dilnoza Kattaxonovaning aytishicha, bu nikoh shartnomalarini tuzishni rag‘batlantirishga qaratilgan.

Kecha 10:02

Biznesni ro‘yxatga olish 15-oktabrdan boshlanadi

O‘zbekistonda biznes yana bir bor ro‘yxatga olinadi. Prezident farmoniga ko‘ra, tadbirkorlik subyektlarini ro‘yxatga olish 15-oktabrdan 30-noyabrgacha o‘tkaziladi, 2027-yil oxirigacha aholining statistik registri shakllantiriladi.

Bugun 07:55

O‘zbekistonliklar Tailand vizasi uchun Moskvaga bormasdan ariza topshirishi mumkin

15-sentabrdan O‘zbekiston fuqarolari Tailandga kirish uchun viza rasmiylashtirishi kerak bo‘ladi. Turistik vizani Thai E-Visa tizimi orqali rasmiylashtirish mumkin, konsullik yig‘imini esa Toshkentdagi vositachi kompaniya orqali to‘lash imkoniyati bor.