Қозоғистон расмийлари Россиядан бензин импорти бўйича сўров бўлганини рад этди
Аввалроқ Россия нефтни қайта ишлаш заводларининг ишламай қолиши ва режадан ташқари техник хизмат кўрсатиш ишлари туфайли юзага келган ички тақчилликни юмшатиш учун Осиёдан, жумладан Қозоғистондан импорт учун бензин излаётгани ҳақида хабар берилган эди.
Қозоғистон Россиядан бензин етказиб бериш бўйича расмий сўров олмаган. Бу ҳақда Қозоғистон энергетика вазири Ерлан Аккенженов 26 июн куни бўлиб ўтган ҳукумат йиғилишлари доирасида журналистларга маълум қилди.
«Бизга Россия томонидан ҳеч қандай расмий сўровлар бўлмади, агар сўров келиб тушса, биз уни кўриб чиқамиз», - дея таъкидлади Аккенженов.
Аввалроқ Россия нефтни қайта ишлаш заводларининг Украина томонидан ҳужумга учраши оқибатида ишламай қолиши ва режадан ташқари техник хизмат кўрсатиш ишлари туфайли юзага келган ички тақчилликни юмшатиш учун Осиёдан, жумладан Қозоғистондан импорт учун бензин излаётгани ҳақида хабар берилган эди.
