Рақобат қўмитаси «Anor Bank»ни жаримага тортди

Bugun 10:141 daqiqa

Маълум бўлишича, «Anor Bank» ижтимоий тармоқларда қонунга хилоф равишда реклама жойлаштирган.

Рақобат қўмитаси «Anor Bank»ни жаримага тортди

Рақобат қўмитаси «Anor Bank» АЖга нисбатан реклама қонунчилиги бузилиши ҳолати бўйича молиявий жарима қўлланилганини маълум қилди.

Қайд этилишича, текширув Тошкент вилоятида истиқомат қилувчи фуқаронинг мурожаати асосида ўтказилган. Унда банк томонидан Instagram ижтимоий тармоғида жойлаштирилган акция рекламасида шартлар тўлиқ очиб берилмагани юзасидан эътироз билдирилган.

Ўрганиш давомида рекламада молиявий хизмат кўрсатиш билан боғлиқ муҳим маълумотлар — акциянинг амал қилиш шартлари, белгиланган лимитлар ва улардан ошиб кетилганда ундириладиган комиссия ҳақидаги ахборотлар мавжуд эмаслиги аниқланган.

Юқоридаги ҳолатлар юзасидан қўмита Махсус комиссияси томонидан Ўзбекистон Республикасининг «Реклама тўғрисида»ги Қонунининг 16, 21 ва 43-моддалари талаблари бузилиши аломатлари юзасидан «Anor Bank» АЖга нисбатан иш қўзғатилиб, ишни кўриб чиқиш якунлари бўйича молиявий жарима қўлланилган.

Шунингдек, қўмита банкка қонунбузилиш ҳолатини бартараф этиш ҳамда келгусида бундай ҳолатларга йўл қўймаслик юзасидан бажарилиши мажбурий бўлган кўрсатма берган.

Эслатиб ўтамиз, аввалроқ қўмита умра тадбирини ташкил этишга оид реклама қонунчилигини бузган 6 та туроператорни жазолаган эди.

Teglar

реклама рақобат банк Anor Bank жарима молия

Mavzuga oid

03.07.2026 | 14:52

«Apple»нинг энг катта қўрқуви юз берди: Ҳакерлар «iPhone 18 Pro» ва таъминот занжирини ошкор қилди

Технологик гигант «Apple» компаниясининг Ҳиндистондаги энг йирик ишлаб чиқариш ҳамкори — «Tata Electronics» ширкати киберҳужумга учради. «World Leaks» ҳакерлар гуруҳи томонидан амалга оширилган ушбу ҳужум оқибатида 630 гигабайтдан ортиқ махфий ҳужжатлар интернетга сиздирилди.

02.07.2026 | 18:45

Қозоғистон банкларининг активлари йил бошидан бери 1,2 миллиард долларга ошди

Умумий активларнинг қарийб 89 фоизи ҳали ҳам Қозоғистоннинг иккинчи даражали энг яхши ўнта банкларида жамланган.

Kecha 12:28

«AKFA Aluminium» илк марта халқаро бозорда облигациялар чиқаришни режалаштирмоқда

«AKFA Aluminium» акцияларни дастлабки жойлаштириш тўғрисидаги қарорни эълон қилди. Шу билан бирга, Bloomberg нашри компания илк облигациялар эмиссияси имкониятини ўрганаётгани ва 13 июль куни Лондонда халқаро инвесторлар билан учрашувлар ўтказишга тайёрланаётгани ҳақида хабар бермоқда.

Kecha 13:34

АҚШ компанияси Ўзбекистонда GTL лойиҳасига сармоя киритишни режалаштирмоқда

«BlackRock» компанияси Ўзбекистонда газни суюқ ёқилғига айлантириш лойиҳасига инвестиция киритиш имкониятини ўрганмоқда. Компания, шунингдек, мамлакатдаги сунъий интеллект технологиялари ҳамда нефт-кимё тармоғидаги лойиҳаларга ҳам қизиқиш билдирмоқда.

03.07.2026 | 14:16

Asia Alliance Bank ва EEFU кичик ва ўрта бизнесни молиялаштириш учун 10 млн АҚШ доллари миқдоридаги битимни имзолади

Asia Alliance Bank ва Ўзбекистон иқтисодий имкониятларини кенгайтириш жамғармаси (Economic Empowerment Fund for Uzbekistan, EEFU) 10 млн АҚШ доллари миқдоридаги молиялаштириш линияси жалб этиш тўғрисидаги битим имзоланганини эълон қилди. Маблағлар кичик ва ўрта бизнес субъектларининг исломий молиялаштириш хизматларидан фойдаланиш имкониятларини кенгайтиришга йўналтирилади.

Kecha 15:33