Россия ҳудудида чорва молларини оммавий равишда сўйиш бошланди

Bugun 08:401 daqiqa

Иркутск округининг айрим ҳудудларида нодуляр дерматит хавфи туфайли фавқулодда ҳолат режими жорий этилди.

Россия ҳудудида чорва молларини оммавий равишда сўйиш бошланди

Россиянинг Иркутск областида маҳаллий фермерлардан чорва молларини, жумладан, сигир, эчки, қўй ва чўчқаларни сўйиш учун олиб қўйиш бошланди. Ушбу чора ҳукумат томонидан уй ҳайвонлари орасида нодуляр дерматит касаллиги тарқалгани эълон қилингани ортидан амалга оширилмоқда.

Бундан олдин Иркутск округининг бир қисмида фавқулодда ҳолат режими жорий қилинган эди. Маъмуриятнинг хабар беришича, карантин ҳудудига Бутырки ва Коты қишлоқлари киритилган.

5 сентябр ҳолатига кўра, «майда шохли чорва молларининг ноқонуний олиб кирилиши» оқибатида саккизта эпизоотик ўчоқ аниқланган.

Аҳоли норози

Иркутск области губернатори Игор Кобзёв маълум қилишича, икки аҳоли пунктида 96 бош йирик шохли қорамол касалланган. Ҳокимият зарарланган ҳайвонларни йўқ қилиш ва карантин ҳудудида назоратни кучайтиришга қарор қилган.

Ўз навбатида, маҳаллий аҳоли сўйиш учун олиб қўйилаётган чорва моллари учун тўланадиган товон пулининг жуда озлигидан норозилик билдирган.

Жорий йилнинг бошида Россиянинг бир нечта ҳудудларида чорва молларининг оммавий мусодара қилиниши ва йўқ қилиниши минглаб фермерларга таъсир кўрсатган эди. Ўшанда жами 90,5 минг бош чорва сўйилган бўлиб, бу 1,59 миллиард рубл миқдоридаги тўғридан-тўғри зарарга ва яна 368 миллион рубл қўшимча йўқотишларга олиб келган.

Teglar

фермерлар чорва дерматит Иркутск карантин Россия

Mavzuga oid

06.09.2026 | 12:28

Жапаров рақамли сом қачондан бошлаб синовдан ўтказилишини айтди

Президент виртуал активлар, блокчейн ва янги рақамли молиявий воситаларни ривожлантириш Қирғизистоннинг технологик ва иқтисодий трансформациясининг асосий йўналишларидан бирига айланиб бораётганини урғулади.

Kecha 13:55

Америка Марказий Осиё давлатларига Эрон масаласи бўйича талаб қўйди

«Axios» нашрининг ёзишича, бу талаб «Operation Economic Outcast» операцияси доирасида берилган.

Kecha 20:20

Янги дунё харитаси маъқулланди

Унда Африканинг ҳақиқий ўлчами кўрсатилган.

Kecha 11:07

Путин ва америкаликлар ўртасидаги учрашувнинг дастлабки натижалари эълон қилинди

Музокаралар уч соатдан кўпроқ давом этган.

Kecha 08:25

Трамп 1 долларлик тангада тасвирланган биринчи амалдаги АҚШ президенти бўлди

Чакана нархи 25 та тангадан иборат рулон учун 61 доллар, 100 та тангадан иборат қоп учун эса 154,50 долларни ташкил этади. Танганинг рангига қарамай, унинг таркибида олтин йўқ. Трамп тасвирланган тангани муомалага киритишнинг ҳуқуқий асослари баҳсли.

Bugun 08:20

Лавров Германия билан «ҳақиқий уруш» бошланганини айтди

Россия ТИВ раҳбари Сергей Лавров Германиянинг Лейпцигдаги дрон ҳодисаси бўйича Москвага нисбатан айбловларини кескин танқид қилди. Берлин эса Россияни айбламоқда.