Тожикистонда Рақамли иқтисодиётни ривожлантириш бўйича кенгаш ташкил этилди

Bugun 18:012 daqiqa

Кенгашга мамлакат президенти раислик қилади ва кенгаш рақамли инфратузилма, инновациялар ҳамда аҳолининг рақамли саводхонлигини ошириш масалалари билан шуғулланади.

Тожикистонда Рақамли иқтисодиётни ривожлантириш бўйича кенгаш ташкил этилди

Тожикистон президенти ҳузурида Рақамли иқтисодиётни ривожлантириш бўйича кенгаш ташкил этилди. Бу ҳақдаги тегишли фармон Тожикистон Адлия вазирлигининг ADLIA ҳуқуқий порталида эълон қилинди.

Кенгаш таркиби

Ҳужжат 2026-йил 23-май куни қабул қилинган. Кенгаш тўғрисидаги низомга мувофиқ, янги тузилма Тожикистон президенти ҳузуридаги доимий фаолият юритувчи маслаҳат органи ҳисобланади. Унга давлат раҳбари раислик қилади, кенгаш раисининг ўринбосари эса бош вазирнинг биринчи ўринбосари бўлади.
Кенгаш таркибига президент ижро аппарати раҳбарининг ўринбосари, адлия, иқтисодий ривожланиш ва савдо, молия вазирлари, Давлат инвестициялар ва давлат мулкини бошқариш қўмитаси раиси ҳамда Президент ижро аппаратининг Ахборот-коммуникация технологиялари маркази раҳбари киритилган.
Мамлакатнинг Тожикистон Инновациялар ва рақамли технологиялар агентлиги директори эса кенгаш котиби вазифасини бажаради.

Янги органнинг вазифалари

Кенгаш рақамлаштириш соҳасидаги давлат сиёсатини амалга ошириш учун ташкил этилган. Шунингдек, у рақамли иқтисодиётни ривожлантириш бўйича таклиф ва чора-тадбирларни кўриб чиқади.
Янги органнинг муҳим вазифаларидан бири давлат идоралари, ташкилотлар ва хусусий сектор ўртасидаги ҳамкорликни таъминлаш ҳисобланади.
Кенгашнинг асосий вазифалари қаторига рақамли иқтисодиёт соҳасида давлат сиёсатининг устувор йўналишларини белгилаш ва уни Тожикистонда ривожлантириш бўйича таклифлар ишлаб чиқиш киради.
Бундан ташқари, давлат ва хусусий сектор ўртасида рақамли иқтисодиётни илгари суриш масалалари бўйича доимий мулоқотни йўлга қўйиш ҳам унинг вазифалари қаторига киритилган.
Кенгаш рақамли иқтисодиёт соҳасида тадқиқотлар ва таҳлиллар ўтказиш, инновацион лойиҳаларни қўллаб-қувватлаш, рақамли инфратузилмани ривожлантириш, аҳолининг рақамли саводхонлигини ошириш ва замонавий технологияларни жорий этиш билан ҳам шуғулланади.
Аввалроқ Тожикистонда 2026–2030 йилларга мўлжалланган Рақамли иқтисодиётни ривожлантиришнинг ўрта муддатли дастури тасдиқланган эди. Шунингдек, мамлакатда 2025–2030 йиллар Рақамли иқтисодиёт ва инновациялар йиллари деб эълон қилинган.

Teglar

рақамли технологиялар рақамли иқтисодиёт Тожикистон рақамлаштириш

Mavzuga oid

Kecha 13:45

Май ойида сўм долларга нисбатан қадрсизланди

Апрел ойида мустаҳкамланган сўм май ойида қайтадан босим остида қолиб, АҚШ долларига нисбатан 0,5 фоизга қадрсизланди.

Kecha 17:41

Қозоғистон Эрон урани масаласида кўмак таклиф қилди

Остона атом энергиясидан тинч мақсадларда фойдаланишни қўллаб-қувватлашини маълум қилиб, Эрон урани билан боғлиқ эҳтимолий қарорлар МАГАТЭ ва халқаро келишувлар доирасида қабул қилиниши кераклигини қайд этди.

Bugun 18:02

Қозоғистонда энди сунъий интеллект давлат органлари фаолиятини кузатиб боради

9-июндан кучга кирадиган янги қоидаларга мувофиқ, Қозоғистон давлат органлари фаолияти махсус функционал таҳлил модули ва сунъий интеллект ёрдамида баҳоланади.

Kecha 17:37

Ўзбекистоннинг Тожикистон билан товар айирбошлаш ҳажми 50 фоиздан ортиқ ўсди

Қўшни давлат Ўзбекистондан нималар сотиб олаётгани ва Ўзбекистонликлар улардан нималар импорт қилаётгани маълум бўлдти.

Bugun 14:18

Кимё саноатига 8,3 млрд доллар инвестиция жалб қилинган — Президент

Сўнгги йилларда Ўзбекистон кимё саноатига 8,3 миллиард доллар инвестиция киритилиб, 87 та йирик ишлаб чиқариш қуввати ишга туширилди.

Bugun 18:05

Душанбе ва Москва ўртасида поезд қатнови қайта тикланади

Тожикистон ва Россия темирйўл идоралари келишувига кўра, пандемия даврида тўхтатилган Душанбе–Москва поезд қатнови яна тикланади. Поезд икки ҳафтада бир марта ҳаракат қилади.