Toshkent shahar Soliq boshqarmasi bosh inspektori pora bilan ushlandi

Bugun 15:251621

Inspektor to‘qimachilik korxonasiga hisoblangan qo‘shimcha soliqni bekor qilib berishni va’da qilib, pora olgani aniqlandi.

Toshkent shahar Soliq boshqarmasi bosh inspektori pora bilan ushlandi

Toshkent shahar Soliq boshqarmasining Soliq auditi bo‘limi bosh inspektoriga nisbatan pora olish aybi bilan jinoyat ishi qo‘zg‘atildi. Bu haqda DXX xabar qildi.

Qayd etilishicha, bu ish Surxondaryo viloyatida ro‘yxatdan o‘tgan to‘qimachilik mahsulotlari ishlab chiqaruvchi mas’uliyati cheklangan jamiyatga nisbatan olib borilayotgan jinoyat ishi doirasida aniqlangan. Mazkur ish bo‘yicha Mirzo Ulug‘bek tuman sudi Jinoyat kodeksining 167- va 184-moddalari asosida MCHJ mansabdorlariga nisbatan tergov harakatlarini olib bormoqda.

Iqtisodiy jinoyatlarga qarshi kurashish departamenti va Toshkent shahar Soliq boshqarmasi o‘tkazgan taftishda MCHJga 8,7 mlrd so‘m qo‘shimcha soliq hisoblangani ma’lum bo‘lgan. 15-sentabr kuni sud ushbu korxonada qayta tekshiruv o‘tkazish haqida ajrim chiqarganidan keyin, bosh inspektor MCHJ vakillariga qo‘shimcha soliqni bekor qilib berishini va’da qilgan. Buning evaziga 5 ming AQSH dollari olgani aniqlandi.

Inspektor qo‘shimcha soliqni bekor qilishni uddalay olmagan. Pora sifatida olgan pulini qaytarib berayotgan paytda DXX xodimlari tomonidan ashyoviy dalillar bilan qo‘lga olingan.

Ushbu shaxsga nisbatan Jinoyat kodeksining 210-moddasi 2-qismi «v» bandi (pora olish) bilan jinoyat ishi qo‘zg‘atilgan. Sud tomonidan unga nisbatan «qamoq» ehtiyot chorasi qo‘llangan va hozirda tergov harakatlari davom ettirilmoqda.

Eslatib o‘tamiz, avvalroq Sirdaryo viloyatining Xovos tumanida IIB Tezkor-qidiruv xizmatining podpolkovnik va mayor xodimlari pora bilan ushlangani haqida xabar berilgandi.

Teglar

Toshkent pora DXX tergov soliq boshqarmasi

Mavzuga oid

Kecha 23:00

O‘zbekiston jahonda eng ko‘p mol go‘shti iste’mol qilayotgan davlatlar orasida

Dunyo bo‘ylab mol go‘shti yeyish bo‘yicha Argentina peshqadam, tovuq go‘sht yeyish bo‘yicha orol davlatlar yetakchi. Mo‘g‘uliston esa qo‘y va echki go‘shti yeyishda juda katta farq bilan oldinda. O‘zbekistonning ko‘rsatkichi ham ma’lum qilindi.

17.11.2025 | 10:29

Samarqandda noqonuniy oltin sotganlar fosh etildi

Ayblanuvchilar qonunga xilof ravishda jami og‘irligi 475 gramni tashkil qilgan 2 bo‘lak oltin quymalarni xaridorga 737 mln so‘mga sotishga kelishib, oldindan 500 mln so‘m olgan vaqtda ashyoviy dalillar bilan qo‘lga olingan.

14.11.2025 | 18:55

Toshkentda yana bir muhim inshoot «Humo» nomini oldi

Shu paytgacha poytaxt markazidagi muz saroyi hamda to‘lov tizimi shu nom bilan atalgan

14.11.2025 | 13:25

Toshkentda avtomobillardagi reklamalar ham olib tashlanmoqda

Poytaxtda avtomobillarga tegishli ruxsatnomasiz o‘rnatilgan reklamalarni olib tashlash bo‘yicha reyd tadbirlari o‘tkazilyapti.

15.11.2025 | 08:28

Tramp sud bilan tahdid qilib videomontaj uchun BBCni uzr so‘rata oldi

Buyuk Britaniyaning yirik mediaxoldingi go‘yoki Tramp og‘zidan yangragan Kapitoliyni shturm qilish haqida montaj qilingan bayonot bo‘yicha xatosini tan oldi.

Bugun 13:55

IIB xodimlari pora olayotgan vaqtlarida ushlandi

Sirdaryo viloyatining Xovos tumanida Ichki ishlar bo‘limi Tezkor-qidiruv xizmatining podpolkovnik va mayor unvonidagi 2 nafar katta tezkor xodimi o‘g‘irlikda gumon qilinayotgan shaxslarni qamab yuborish bilan qo‘rqitib, ishni «bosdi-bosdi» qilish uchun pora talab qilgan.