«Тоштурма»да неча киши сақланмоқда?

Bugun 18:381 daqiqa

Vaqt.uz журналисти Тошкент вилоятининг Зангиота туманида жойлашган ИИВ ҳузуридаги Жазони ижро этиш департаменти Марказий тергов ҳибсхонаси шароитлари билан танишиш учун ушбу муассасага борди. Журналист ташриф давомида у ерда қанча киши сақланаётгани билан қизиқди.

Халқ тилида «Тоштурма» дея аталадиган Тошкент вилоятининг Зангиота туманида жойлашган Ички ишлар вазирлиги ҳузуридаги Жазони ижро этиш департаменти Марказий тергов ҳибсхонасида 3800 дан ортиқ киши сақланмоқда. Бу ҳақдаги маълумотни департамент бошлиғи полковник Азизхон Умархонов 30-июль куни Vaqt.uz журналистига очиқлади.

ИИВ мулозимининг айтишича, сақланаётганларнинг 165 нафари аёллар, 68 нафари вояга етмаганлар ҳамда 63 нафари чет эл фуқаролари. Ҳибсхонада болали аёллар ҳам мавжуд бўлиб, улар ҳозирда 4 киши. Умархоновнинг сўзларига кўра, уларга алоҳида хона берилади.

«Албатта уларга алоҳида хона берилади», — урғулайди полковник.

У «Тоштурма»да вояга етмаганлар сақланадиган 9 та алоҳида камера мавжудлигини ҳам қўшимча қилди.

Маълумот учун, илгари (1891-йилдан бошлаб) бу тергов ҳибсхонаси Тошкент шаҳрининг Юнусобод туманида жойлашган эди. Уни чор Россияси даврида тошдан қуришгани учун халқ уни «Тоштурма» деб атаб келган. 2018-йилнинг январь ойида Юнусободдаги эски бинода шароитлар талабга жавоб бермагани учун у бутунлай бузилди. Барча маҳбуслар ва ходимлар Тошкент вилояти Зангиота туманида янги қурилган замонавий бинога кўчирилди.

Эслатиб ўтамиз, аввалроқ эски «Тоштурма» ҳудуди саноат компаниясига берилгани ошкор бўлганди. У ер хиёбон бўлиши керак эди.

Teglar

ИИВ тергов ҳибсхонаси Зангиота ҳибсхона Тоштурма маҳбуслар Азизхон Умархонов Жазони ижро этиш департаменти Тошкент вилояти Ўзбекистон

Mavzuga oid

Kecha 23:15

ОАВдан яширилган йирик судлар, 14 фоизда қолган асосий ставка ва Тошкент атрофида қуриладиган 1 млрд долларлик йўл — 29 июл дайжести

Кун давомида Ўзбекистонда юз берган воқеалар ва ҳодисалар, ёритилган янгиликлар ва хабарларнинг энг муҳимларини яна бир бор эсга оламиз.

Bugun 16:08

Ўзбекистон ва Қирғизистон савдо айланмасини 2 млрд долларга етказмоқчи

Сўнгги йилларда икки давлат ўртасидаги ўзаро товар айирбошлаш ҳажми қарийб 10 баробарга ошиб, ўтган йил якуни билан 1,2 млрд долларга етди.

Kecha 21:55

Ўзбекистон Қирғизистонга йирик бизнес таклифларини берди

Инвестициялар, саноат ва савдо вазири Лазиз Қудратов Қирғизистон билан фармацевтика ва саноатда қўшма ишлаб чиқаришни йўлга қўйишни таклиф қилди. Унинг таъкидлашича, бундай кооперация икки мамлакатга ЕОИИ ва Жанубий Осиё бозорларига чиқиш имконини беради.

Kecha 19:15

Марказий банк: Асосий ставкани пасайтириш масаласи муҳокама қилинмади

Марказий банк 29 июль куни бўлиб ўтган йиғилишда асосий ставкани пасайтириш вариантини ҳатто муҳокамага ҳам қўймаган. Ammo regulyator kelgusida iqtisodiy sharoit talab etsa, stavkani 0,25 foizlik qadamlar bilan pasaytirish ehtimolini istisno qilmadi.

Kecha 20:30

Тошкент туманлари саноат зоналарига боғланади: Инвесторларга янги ер майдонлари ажратилади

Тошкентни ривожлантириш бўйича Президент қарори қабул қилинди. Ҳужжатга кўра, пойтахт туманларига саноат зоналаридан ер майдонлари ажратилади, Олмазорда Креатив парк ҳамда 24 соатлик сайилгоҳларда «Китоб кўчалари» ташкил этилади.

Bugun 16:50

Шавкат Мирзиёев Қирғизистоннинг I даражали «Манас» ордени билан тақдирланди

У республика ва хориж фуқароларига давлатчилик ва халқаро ҳамкорликни мустаҳкамлаш, халқлар ўртасида тинчлик, дўстлик ва ўзаро англашув ришталарини ривожлантиришга қўшган улкан ҳиссаси учун берилади.