Трамп Хитойга борди: Си билан музокараларда Илон Маск ва Тим Кук ҳам иштирок этади

Bugun 22:041 daqiqa

У охирги марта Хитойга ўзининг биринчи президентлик даврида, 2017 йилнинг ноябрида ташриф буюрган эди.

Трамп Хитойга борди: Си билан музокараларда Илон Маск ва Тим Кук ҳам иштирок этади

Америка Қўшма Штатлари Президенти Доналд Трампнинг самолёти Пекинга қўнди. Уч кунлик расмий ташриф доирасида АҚШ етакчиси Хитой Халқ Республикаси Раиси Си Жиьпин билан музокаралар ўтказади. Бу ҳақда CNN телеканали хабар бермоқда.

Пекин аэропортида АҚШ Президентини Хитой расмий шахслари, оркестр ҳамда Хитой ва АҚШ байроқларини кўтарган ўнлаб ёшлар кутиб олди.

Доналд Трампга ушбу сафарда йирик бизнес ва технология соҳаси вакиллари ҳамроҳлик қилмоқда. Делегация таркибидан Tesla ва SpaceX раҳбари Илон Маск, Apple раҳбари Тим Кук, Nvidia бош директори Дженсен Хуанг, шунингдек, Boeing, Meta, Citi, Goldman Sachs, Mastercard ва Visa компанияларининг топ-менежерлари ўрин олган.

Музокараларнинг асосий мавзулари икки давлат ўртасидаги савдо алоқалари, Эрон атрофидаги вазият ва юқори технологиялар соҳасидаги ҳамкорлик бўлиши кутилмоқда.

Маълумот учун, Доналд Трамп охирги марта Хитойга ўзининг биринчи президентлик даврида, 2017 йилнинг ноябрида ташриф буюрган эди. 2026 йилги ташриф аслида март ойи охирида амалга оширилиши керак эди, бироқ АҚШ ва Исроилнинг Эрон билан уруши фонида сафар қолдирилган эди.

Трамп ва Си Жинпин ўртасидаги иккинчи президентлик муддатидан кейинги илк учрашув 2025 йил октябр ойида Жанубий Кореяда ўтган АТЭС саммити доирасида бўлиб ўтган эди.

Teglar

Илон Маск Хитой Трамп музокаралар Тим Кук Си Жинпин Пекин савдо алоқалари АҚШ технология

Mavzuga oid

Bugun 11:55

«Reuters»: Саудия Арабистони Эронга қарши махфий зарбалар берди

Нашр манбаларига кўра, Саудия Арабистони Яқин Шарқдаги уруш давомида ўз ҳудудига қилинган ҳужумларга жавобан Эронга қарши махфий зарбалар уюштирган.

Bugun 17:15

Саккиз йил босим остида: Жером Поуэллнинг Федерал захира тизимидаги синовлари

АҚШ Сенати Кевин Уоршни Федерал захира тизими раиси этиб тасдиқлади. У мазкур лавозимни Жером Пауэллнинг пандемия, инфляция ва банк инқирозлари билан тўла даври ортидан қабул қилмоқда.

Kecha 15:04

Хитой компаниялари Тожикистонга 8 млрд доллардан ортиқ, ОИИБ эса 800 млн доллар сармоя киритмоқчи

Тегишли ҳужжатлар Имомали Раҳмоннинг Хитойга давлат ташрифи давомида имзоланди.

Kecha 15:09

Қозоғистон иқтисодиёти йил бошидан бери 3,6 фоизга ўсди

Мамлакат иқтисодиётида хомашёга боғлиқ бўлмаган тармоқлар роли кучаймоқда. Қурилиш, савдо ва қайта ишлаш саноати ЯИМ ўсишининг асосий манбасига айланди.

Bugun 08:30

Россия Донбассни нега ҳалигача тўлиқ босиб ололмаяпти ? NYT таҳлили

Америка газетасининг ҳисоб-китобига кўра, Россия ҳозирги ҳужум суръати билан бу мақсадга эришиши учун 30 йилдан ортиқ вақт сарфлайди.

Bugun 15:10