Умра тадбирини ташкил этишга оид реклама қонунчилигини бузган 6 та туроператор жазоланди

Bugun 10:491 daqiqa

Фарғона, Наманган, Тошкент вилоятлари ҳамда Тошкент шаҳрида қонунчилик талабларини бузган 6 та туроператорнинг мансабдор шахслари маъмурий жавобгарликка тортилди.

Умра тадбирини ташкил этишга оид реклама қонунчилигини бузган 6 та туроператор жазоланди

Рақобат қўмитаси умра тадбирини ташкил этишга оид реклама қонунчилигини бузган 6 та туроператорни жавобгарликка тортди.

Маълум бўлишича, қўмита оммавий ахборот воситалари ва интернет тармоқларида тарқатилаётган рекламаларнинг «Реклама тўғрисида»ги қонун талабларига мувофиқлигини ўрганган. Текширувлар давомида умра тадбирини ташкил этиш ва ўтказиш бўйича туроператорлар томонидан берилган рекламалар таҳлил қилинган.

Натижада Фарғона, Наманган, Тошкент вилоятлари ҳамда Тошкент шаҳрида «Hamroh Tour», «Kabadoshlarim», «Yuksak Travel», «Murabbiy Travel», «Hikmat Travel» ва «Infin Tour»нинг ижтимоий тармоқлардаги рекламаларида қонунчилик талаблари бузилгани маълум бўлган ва уларнинг мансабдор шахслари жавобгарликка тортилган.

Шунингдек, Рақобат қўмитаси реклама ахборотларини қонунчилик талабларига мослиги юзасидан ўрганиш ишлари давом эттирилишини маълум қилди.

Эслатиб ўтамиз, аввалроқ қўмита дори рекламаларидаги чалғитувчи иборалардан огоҳлантирган эди.

Teglar

туризм Telegram реклама Умра Рақобат Instagram

Mavzuga oid

Kecha 20:05

Креатив иқтисодиёт нима ва унга қандай имтиёзлар берилган?

Ўзбекистонда креатив иқтисодиёт субъектлари учун солиқ имтиёзлари жорий этилди. Энди улар ижтимоий солиқ ва жисмоний шахслардан олинадиган даромад солиғини амалдаги 12 фоизлик ставканинг ярмини тўлайди. Шунингдек, улар учун айланмадан олинадиган солиқни қўллаш бўйича ҳам қўшимча тартиб белгиланди.

05.07.2026 | 21:56

Тошкентда 212 та бекат ҳокимлик тасарруфига ўтказилади

Пойтахтда реконструкция қилиниши режалаштирилган жамоат транспорти бекатлари жойлашган ер майдонлари ҳокимлик номига қайта расмийлаштирилади.

Kecha 23:00

Жиноят ишидан сўнг янги мансаб олган собиқ ҳоким, пойтахтдаги «свет» ўчишларини ўрганувчи комиссия ва Янги Тошкентга кўчирилаётган Навоий музейи — 6 июл дайжести

Кун давомида Ўзбекистонда юз берган воқеалар ва ҳодисалар, ёритилган янгиликлар ва хабарларнинг энг муҳимларини яна бир бор эсга оламиз.

Bugun 08:00

Ўзбекистонда «E-bozor» ягона рақамли бозор платформаси жорий этилади

Ўзбекистонда бозорлар фаолиятини рақамлаштириш учун «E-bozor» платформаси ишга туширилади. У орқали савдо жойлари ҳақида очиқ маълумот олиш мумкин бўлади.

Kecha 21:55

Қирғизистоннинг Ўзбекистон билан чегарасида отишма содир бўлди, 27 киши қўлга олинди

Тергов ҳаракатлари олиб борилиши вақтида чегара ўтказиш пунктлари вақтинча ёпилган.

Kecha 19:38