1-iyuldan Qozog‘istonda yangi Konstitutsiya kuchga kirdi

1-iyul kuni Qozog‘istonda 2026 yil 15-mart kuni bo‘lib o‘tgan umumxalq referendumida qabul qilingan mamlakatning yangi Konstitutsiyasi kuchga kirdi. Qozog‘iston tarixida birinchi marta mamlakatning asosiy qonuni umumxalq referendumi orqali qabul qilindi, fuqarolarning 87,15 foizi Konstitutsiyani yoqlab ovoz bergan edi.  
 
 
Yangi Konstitutsiyaning o‘ziga xos xususiyati fuqarolarning huquq va manfaatlarini birinchi o‘ringa qo‘yishi, adolat va ishonch tamoyillarini mustahkamlashidir. Konstitutsiya mamlakat huquqiy tizimining asosi bo‘lib xizmat qiladi, davlat tuzilishi tamoyillarini belgilaydi, fuqarolarning huquq va erkinliklarini kafolatlaydi hamda mamlakatning uzoq muddatli strategik rivojlanish ustuvorliklarini belgilaydi.  
 
Yangi Konstitutsiya muqaddima, 11 bo‘lim va 104 moddadan iborat. Yangi Konstitutsiyaga muvofiq, 2026 yil 1-iyuldan boshlab Senat tugatiladi va uning o‘rniga bir palatali «Qurultoy» tashkil etildi. Shu bilan birga, vitse-prezident lavozimi ham ta’sis etildi. Prezidentning ko‘rsatmalariga binoan, vitse-prezident davlat idoralari bilan o‘zaro munosabatlarda prezident tomonidan belgilangan funksiyalarni bajaradi.