Айрим ҳудудларда қор кўчиши хавфи эълон қилинди
Кеча 23:152121 дақиқа
Ўзгидромет 13–16 декабрда кузатилиши кутилган кескин об-ҳаво ўзгариши ортидан бир нечта тоғли туманларда қор кўчиши хавфи юқори эканини маълум қилди.
Ўзгидромет 13–16 декабр кунлари кутилаётган ёғингарчилик ҳамда ҳаво ҳароратининг кескин ўзгариши сабабли республиканинг тоғли ҳудудларида қор кўчиши хавфини эълон қилди.
Унга кўра, огоҳлантириш:
— Тошкент вилояти: Бўстонлиқ, Оҳангарон ва Паркент туманлари (Чотқол тизмасининг тоғлари);
— Наманган вилояти: Поп тумани учун амал қилади.
Тоғли ҳудудларда истиқомат қилувчи фуқаролар, дам олувчилар ҳамда тоғли ҳудудларда ҳаракатланаётган ҳайдовчилардан эҳтиёткорлик чораларини кўришлари сўралди.
