Биржада ун нархида пасайиш кузатилди
24–30 ноябр кунларида ўтказилган биржа савдоларида ун нархининг анчайин тушгани маълум бўлди.
Ўтган ҳафта, 24–30 ноябр кунлари «Ўзбекистон республика товар-хом ашё биржаси» АЖнинг барча савдо платформаларида 39 392 та битим тузилган бўлиб, бу аввалги ҳафтага нисбатан 9,7 фоизга ошган. Бу ҳақда биржа ахборот хизмати хабар берди.
Қайд этилишича, биржа савдолари кўриб чиқилаётган даврда очиқ биржа савдолари орқали жами 12 723 та битим тузилди.
Жумладан, биржа савдолари орқали 14 632 тонна ун сотилди. Бу даврда бир тонна уннинг кунлик ўртача нархи 3 млн 796,8 минг сўмдан 3 млн 697,6 минг сўмгача пасайди. Ўтказилган савдоларда ҳар куни ўртача 188 нафар харидор иштирок этди.
Шунингдек, биржа савдолари орқали 9 518 тонна шелуха сотилди. Ўтган ҳафтада бир тонна шелуханинг кунлик ўртача нархи 3 млн 102,9 минг сўмдан 3 млн 81,2 минг сўмгача пасайди.
Бундан ташқари, биржада 6 872 тонна аммиакли селитра сотилди. Ўтган ҳафтада бир тонна аммиакли селитранинг кунлик ўртача нархи 3 млн 150,1 минг сўмдан 3 млн 113,5 минг сўмгача тушди.
