ЖЧ-2026. Ўзбекистон Конгога ҳам ютқазиб, илк мундиалини очкосиз якунлади

Ўзбекистон (0) миллий жамоаси 2026 йилги Жаҳон чемпионати гуруҳ босқичидаги сўнгги ўйинини Конго ДРга (4) қарши ўтказиб, камбэк қурбони бўлди. Элдор Шомуродовнинг тезкор голига африкаликлар иккинчи бўлимда жавоб беришди.

Шу тариқа Ўзбекистон илк мундиалини очкосиз якунлади. Конго эса ўз тарихида биринчи марта плей-оффда ўйнайдиган бўлди.

Гуруҳнинг иккинчи ўйинида Колумбия (7) ва Португалия (5) голсиз дуранг қайд этишди. Ҳар икки жамоа 1/16 финалга йўл олди.

ЖЧ-2026. К гуруҳи. 3-тур. 27 июн
Конго ДР — Ўзбекистон 3:1
Голлар: Висса (68 пеналти, 90+1), Майеле (78) — Шомуродов (10).
Ўзбекистон — Абдувоҳид Неъматов, Ҳожиакбар Алижонов, Абдуқодир Ҳусанов, Рустам Ашурматов, Жаҳонгир Ўрозов (Игор Сергеев, 82), Шерзод Насруллаев, Отабек Шукуров (Одил Ҳамробеков, 59), Акмал Мозговой (Жамшид Искандеров, 82), Аббос Файзуллаев (Остон Ўрунов, 73), Достон Ҳамдамов (Азиз Ғаниев, 59), Элдор Шомуродов.
Конго ДР — Мпаси, Ван-Биссака, Туанзебе, Мбемба, Масуаку (Кайембе, 83), Мбуку (Элия, 72), Мутуссами (Мукау, 72), Садики, Сипенга (Бонгонда, 73), Бакамбу (Майеле, 52), Висса.
Огоҳлантиришлар: Садики (21), Ҳусанов (43), Мбуку (45+5), Насруллаев (48).

Колумбия — Португалия 0:0
Колумбия — Варгас, С.Ариас (Мунос, 87), Санчес, Лукуми, Машаду, Ж.Ариас (Кастано, 76), Лерма (Риос, 60), Пуэрта, Хамес (Кинтеро, 76), Диас, Кордоба (Суарес, 60).
Португалия — Д.Кошта, Канселу (Далот, 46), Диаш, Вейга, Мендеш (Нунеш, 90+3), Р. Невеш (Ж.Невеш, 46), Витиня (С.Кошта, 70), Нету, Фернандеш, Феликс (Леау, 70), Роналду.
Огоҳлантириш: Пуэрта (86).