Комил Алламжонов янги лавозимга тайинланди

Кеча 19:464222 Дақиқа

Саида Мирзиёева фармойиши билан Алламжонов Ўзбекистон президенти Администрациясининг АҚШдаги вакили бўлди.

Комил Алламжонов янги лавозимга тайинланди

Ўзбекистон Республикаси президенти Администрацияси раҳбарининг фармойиши билан Комил Исмоилович Алламжонов маслаҳатчи-вакил – Ўзбекистон Республикаси президенти Администрациясининг АҚШдаги вакили лавозимига тайинланди. Бу ҳақда Шерзод Асадов хабар берди.

Асадовга кўра, Алламжонов янги вазифалари билан бир қаторда Ўзбекистон Республикаси президенти Администрацияси раҳбарининг маслаҳатчиси лавозимидаги фаолиятини давом эттиради.

Маълумот учун, Комил Алламжонов 1984 йилнинг 18 сентябр куни Тошкентда туғилган. Илк фаолиятини Ўзбекистон Миллий телерадиокомпанияси – “Ёшлар” телерадиоканалининг “Давр” информацион кўрсатувида бошлаган.

2005-2013 йилларда Давлат солиқ қўмитаси матбуот хизмати раҳбари лавозимида ишлаган. Алламжонов 2017 йилнинг 1 декабридан 2018 йилнинг 3 октябрига қадар Ўзбекистон Республикаси президентининг Администрацияси раҳбари ўринбосари – Ўзбекистон Республикаси Президенти матбуот котиби лавозимида фаолият юритган.

2018 йилнинг 29 ноябр куни у Ахборот ва оммавий коммуникациялар агентлиги директори лавозимига тайинланди. 2020 йилнинг январ ойида ушбу лавозимни тарк этди ва Миллий масс-медиани қўллаб-қувватлаш ва ривожлантириш жамоат фонди Васийлик Кенгаши раиси бўлди. 2022 йил июлда эса Алламжонов Ўзбекистон Республикаси президенти Администрацияси раҳбарининг ўринбосари лавозимига тайинланди. 2023 йил август ойида эса у Ўзбекистон Республикаси Президенти Администрацияси Ахборот сиёсати департаментининг раҳбари лавозимига тайинланди. 2024 йилдан бери президент Администрацияси раҳбарининг жамоатчилик асосида мустақил маслаҳатчиси лавозимида фаолият юритган.

Теглар

АҚШ Ўзбекистон тайинлов Президент Администрацияси Комил Алламжонов

Мавзуга оид

20.11.2025 | 09:55

Путин одамларга 150 йиллик умр ҳам пул каби камдек туюлишини айтди

Унга кўра, Россия ўртача умр давомийлигини оширишга қаратилган дастурларни кучайтирмоқда.

Бугун 11:10

Маиший ҳаво тозалагичлар учун бож бекор қилинди

Президент фармонига мувофиқ, маиший ҳаво тозалаш ускуналарини мамлакатга олиб киришда божхона божи бекор қилинди ва РМ2.5 ифлосланишини ўрганувчи махсус лаборатория ташкил этилади.

19.11.2025 | 17:55

Вазирлар Маҳкамасига ҳам дарахт кесиш ва кўчиришга рухсат бериш тақиқланди

Президент қарори билан дарахт ва буталарни кесиш ёки кўчиришга доир ҳужжатлар чиқариш қабул қилиш қатъий тақиқланади.

Бугун 22:00

Ўзбекистон Афғонистондан кўмир сотиб олади

«Толибон» кўмирни Покистон ўрнига Ўзбекистонга экспорт қилмоқчи. Амалдаги ҳукумат асосий савдо йўналиши ўзгарганини маълум қилди.

20.11.2025 | 21:36

Қирғизистон миллий стейблкоинни ишга туширди

Бишкекда АҚШ долларига боғланган ва жисмоний олтин билан таъминланган USDKG номли давлат стейблкоинининг биринчи эмиссияси тантанали равишда муомалага чиқарилди.

Кеча 20:15