Кредит ставкалари янгиланди: қайси банк арзон?

Марказий банк 2026 йил 20 апрел ҳолатига кўра, тижорат банклари томонидан аҳолига ажратилаётган микрокредит ва автокредитлар бўйича янги ҳафта фоиз ставкаларини эълон қилди. Унга кўра, микрокредитлар бўйича ўртача ставка 29,1 фоизни, автокредитлар бўйича эса 22,8 фоизни ташкил этган.

Янги ҳафтада ҳам кредит ставкалари юқори даражада сақланиб қолмоқда. Айрим банкларда пасайиш кузатилган бўлса-да, умумий сегментда фарқ сезиларли даражада сақланмоқда. Ўтган ҳафтада микрокредитлар бўйича ўртача ставка 29,1 фоизни, автокредитлар бўйича эса 22,7 фоизни ташкил этган эди.

Микрокредитлар

Микрокредитлар сегментида энг паст ставка 24,1 фоиз билан «Aloqabnk»да қайд этилди. Ундан кейин «Milliy bank» 24,2 фоиз ва «Infinbank» 24,3 фоиз билан нисбатан мақбул таклифлар бермоқда. «Trastbank» (24,7 фоиз) ва «Kapitalbank» (24,8 фоиз) ҳам шу гуруҳда жой олган.

^{Manba: Markaziy bank}

Ўрта сегментда ставкалар асосан 25–27 фоиз оралиғида шаклланган. Жумладан, «BRB» 25,0 фоиз, «OFB» 26,0 фоиз, «Asakabank» ва «Ziraat bank» 26,3 фоиздан, «Mikrokreditbank» ва «Agrobank» 26,6 фоиздан кредит ажратмоқда. «Xalq banki» (26,8 фоиз), «SQB» (27,1 фоиз) ва «Turonbank» (27,4 фоиз)да ҳам шу атрофдаги ставкалар сақланмоқда.

Юқори сегментда эса фарқ анча катта. «Asia Alliance bank»да 27,7 фоиз, «Poytaxtbank»да 29,8 фоиз, «Apex bank»да 30,1 фоиз ва «Garant bank»да 30,3 фоизлик ставкалар кузатилди. Энг юқори ставкалар «Ipak Yo‘li bank» (34,8 фоиз), «TBC bank» (34,6 фоиз), «AVO bank» (39,9 фоиз), «Anorbank» (40,4 фоиз) ва «Tengebank»да (42,7 фоиз) қайд этилди.

Автокредитлар

Автокредитлар бозорида энг паст ставка 18,5 фоиз билан «Infinbank»да кузатилди. Шунингдек, «BRB» 18,7 фоиз, «Davrbank» 19,6 фоиз ва «SQB» 21,5 фоиз ставка билан нисбатан арзон кредит таклиф қилмоқда. «Ipotekabank» ҳам 21,6 фоиз билан паст сегментда қолмоқда.

^{Manba: Markaziy bank}

Ўрта сегментда ставкалар 23–25 фоиз оралиғида шаклланган. Хусусан, «OFB» 23,4 фоиз, «Aloqabank» 23,5 фоиз, «Xalq banki» 23,6 фоиз ва «Milliy bank» 23,8 фоиз ставка билан кредит ажратмоқда. Шунингдек, «Ipak Yo‘li banki» (24,0 фоиз), «Hamkorbank» (24,1 фоиз), «Agrobank» (24,4 фоиз) ва «Asakabank» (24,8 фоиз) таклифлари ҳам шу диапазонда.

Юқори сегментда эса ставкалар 25 фоиздан юқори. «Turonbank» 25,1 фоиз, «Asia Alliance bank» 25,4 фоиз, «Trastbank» 25,6 фоиз ва «Ziraat bank» 26,0 фоиз ставка билан автокредит тақдим этмоқда. Энг юқори кўрсаткич «Madad Invest bank»да — 27,9 фоиз.