Ўзбекистон ОТБнинг рақамлаштириш индексида Марказий Осиёда иккинчи ўринни эгаллади

Осиё тараққиёт банки Осиё ва Тинч океани минтақасида рақамли савдо ва трансчегаравий электрон тижоратнинг ривожланиши бўйича янги ҳисоботни эълон қилди. Унда Ўзбекистон иккинчи ўрнни қайд этди.

Унда 2024-йил учун мамлакатлар учун рақамлаштириш индекси тақдим этилган. Марказий Осиё мамлакатлари орасида Қозоғистон энг юқори баллни 42,6 балл билан эгаллаган. Қирғизистон 23,3 балл, Туркманистон 21,7 балл ва Тожикистон 17,8 балл билан кейинги ўринларда туради.

Индекс рақамли иқтисодиёт, электрон ҳукумат, рақамли инфратузилма ва тартибга солиш, аҳолининг рақамли технологиялардан фойдаланиши, инсон капитали ва инновациялар ҳамда ишлаб чиқаришни рақамлаштириш асосида ҳисобланади.

ОТБ ҳисоботда Тожикистон ва Ўзбекистонни электрон тижорат тўғрисидаги алоҳида қонунчиликка эга мамлакатлар мисолида келтирган. Ушбу қонунчилик электрон тижорат компанияларини рўйхатдан ўтказиш ва истеъмолчилар ҳуқуқларини ҳимоя қилишни назарда тутади.

ОТБ минтақада трансчегаравий электрон тижоратнинг ривожланишига қонунчиликдаги тафовутлар, инфратузилманинг етарли эмаслиги, мамлакатлар бўйлаб рақамли тизимларнинг номувофиқлиги ва рақамли кўникмаларнинг етишмаслиги тўсқинлик қилаётганини таъкидламоқда.

Банк кенг полосали интернет ва маълумотлар марказларини ривожлантириш, логистика ва божхона тартиб-қоидаларини такомиллаштириш, электрон ҳисоб-фактуралар ва сертификатлар, рақамли тўловлар, «ягона ойна» тизимлари ва қоғозсиз савдони жорий этишни тавсия қилади.

Эслатиб ўтамиз, аввалроқ ОТБ Тожикистоннинг 2026-йилдаги иқтисодий ўсиш прогнози 7,3 фоизда сақланиб қолиши ҳақида ёзганди.