Ўзбекистон ва Хитой тўлов тизимларини интеграция қилиш бўйича музокаралар олиб борилмоқда

Бугун 19:302 дақиқа

Иккита миллий тўлов компанияси Хитойнинг WeChat ва Alipay каби тўлов тизимлари билан интеграция қилиниши мумкин.

Ўзбекистон ва Хитой тўлов тизимларини интеграция қилиш бўйича музокаралар олиб борилмоқда

Ўзбекистон ва Хитой тўлов тизимларини ўзаро боғлаш бўйича музокаралар олиб бормоқда. Бу ҳақда Марказий банк раиси Темур Ишметов «Silk Road Finance & Technology Forum»и доирасида маълум қилди, дея хабар бермоқда «Vaqt.uz» мухбири.

Форумда журналистлардан бири Марказий банк раисига Ўзбекистон ва Хитойнинг «Бир макон, бир йўл» ташаббуси ва унинг таркибий қисми сифатида кўрилаётган «Рақамли Ипак йўли» (Digital Silk Road) билан интеграцияси қанчалик муҳимлиги ҳақида савол берди.

Ишметов саволга жавоб берар экан, Хитой билан иқтисодий алоқалар кўлами кенгайиб бораётгани икки мамлакат ўртасидаги тўлов инфратузилмасини ҳам ривожлантиришни талаб қилишини таъкидлади.

«Хитой Ўзбекистоннинг энг йирик иқтисодий ҳамкорларидан бири бўлгани учун икки мамлакат ўртасидаги тўлов тизимларини интеграция қилиш масаласи табиий равишда кун тартибига чиқмоқда», – дейди у.

WeChat ва Alipay билан музокаралар олиб борилмоқда

Ишметовнинг маълум қилишича, Ўзбекистондаги иккита миллий тўлов компанияси Хитойнинг тўлов компаниялари билан интеграция бўйича музокаралар олиб бормоқда.

Улар орасида WeChat ва Alipay каби тўлов хизматлари ҳам бор.

«Бизнинг иккита миллий тўлов компаниямиз бор, уларнинг иккаласи ҳам хусусий. Улар аллақачон Хитойнинг тўлов компаниялари билан интеграция бўйича музокаралар олиб бормоқда. Ҳеч бўлмаганда WeChat, Alipay ва бошқалар билан», — деди Ишметов.

Унинг таъкидлашича, Хитойдан Ўзбекистонга ва Ўзбекистондан Хитойга кўплаб одамлар бориб-келади. Шу сабабли тўловларни амалга оширишнинг қулай усулларини яратиш нафақат фуқаролар, балки бизнес учун ҳам муҳим.

Марказий банк жараённи қўллаб-қувватлашга тайёр

Ҳозирча музокараларни Марказий банкнинг ўзи эмас, балки бозор иштирокчилари олиб бормоқда.

«Бозорнинг ўзи музокаралар олиб бормоқда ва биз Марказий банк сифатида қўллаб-қувватлаймиз ва ёрдамимизни кўрсатишга тайёрмиз», — деди Ишметов.

Эслатиб ўтамиз аввалроқ Марказий банкнинг Ўзбекистон банк тизимини Basel III ва IFRS халқаро стандартларига тўлиқ мослаштириш режалари ҳақида хабар берган эдик.

Теглар

тўлов тизимлари Alipay Тимур Ишметов Марказий банк Хитой Ўзбекистон WeChat

Мавзуга оид

Кеча 19:02

Мирзиёев Трампга махсус совға юборди

Тошкентдан Вашингтонга юборилган икки шийпон Трамп режалаштираётган боғга қўйилади.

Кеча 20:16

Дунё брендлари ва Ўзбекистон: Бозорга кимлар келди ва кимлар кетди?

Сўнгги йилларда Ўзбекистон бозорида халқаро брендлар сони сезиларли даражада кўпайди. Автомобилдан тортиб кийим-кечак, умумий овқатланиш, электрон тижорат ва рақамли хизматларгача бўлган турли соҳаларда янги хорижий компаниялар пайдо бўлди. Vaqt.uz яқин тарихда Ўзбекистонга кириб келган ва бозорни тарк этган жаҳон брендларини таҳлил қилди.

Бугун 15:16

Президент АҚШ конгрессменлари делегациясини қабул қилди

Учрашувда стратегик шерикликни мустаҳкамлаш, шунингдек, Миссури, Шимолий Каролина, Техас ва Гавайи штатлари билан тўғридан-тўғри алоқаларни ривожлантириш масалалари муҳокама қилинди.

Бугун 18:02

Доллар яна рекорд даражада пасайди. Бунга сабаб нима?

Сўмга нисбатан доллар курси яна пасайиб, 11 778,52 сўмга тушди. Бу 2023 йил 10 августидан бери энг паст кўрсаткич. Жорий йилнинг илк иш кунидан бери доллар 225,89 сўмга ёки 1,9 фоизга қадрсизланди.

Кеча 21:10

Coca-Cola ва Ипотека банк сотилди: Ўзбекистонда давлат активларини хусусийлаштириш қанча даромад келтирди?

Давлат активларини бошқариш агентлигининг хабар беришича, мамлакатда хусусийлаштириш кўлами 55 баробарга ошган.

Бугун 16:31

Жаҳон нефт ва озиқ-овқат нархлари ҳозирча Ўзбекистонга таъсир қилмади — Марказий банк

Марказий банк ташқи бозорлардаги ўзгаришларнинг Ўзбекистон иқтисодиёти ва инфляциясига билвосита таъсирини баҳоламоқда. Регулятор инфляциянинг пасайиши давом этадиган ҳолатга ҳам, нархлар ошиши хавфи кучаядиган вазиятга ҳам тайёр эканини билдирди.