O‘zbekistonda biznes boshlash qoidalari o‘zgarmoqda

Бугун 20:241 дақиқа

Adliya vazirligiga ko‘ra, O‘zbekistonda litsenziya olmasdan 3 oy davomida tadbirkorlik qilish mumkin bo‘ladi.

O‘zbekistonda biznes boshlash qoidalari o‘zgarmoqda

Qonun bilan «Biznesga litsenziyasiz kirish» maxsus rejimi joriy etilmoqda. Unga ko‘ra, talabgor ayrim litsenziya yoki ruxsat etish xususiyatiga ega hujjatni olmasdan turib, faoliyatini boshlashi mumkin bo‘ladi. Bu haqda Adliya vazirligi matbuot xizmati xabar berdi.

Ma’lum qilinishicha, buning uchun faoliyat boshlangani haqida maxsus elektron tizim yoki Yagona interaktiv davlat xizmatlari portali orqali vakolatli organga bepul xabar berish talab etiladi.

Rejimning amal qilish muddati 3 oy bo‘lib, ushbu muddat davomida talabgor muayyan faoliyatni (harakatni) litsenziyasiz yoki ruxsat etish xususiyatiga ega hujjatsiz amalga oshirganlik uchun javobgarlikka tortilmaydi.

Uch oylik imkoniyat

Talabgor «Biznesga litsenziyasiz kirish» maxsus rejimining amal qilish muddati davomida:

▪️ o‘z faoliyatini litsenziya yoki ruxsat berish talablariga va shartlariga muvofiqlashtirish choralarini ko‘radi;

▪️ tegishli litsenziyani yoki ruxsat etish xususiyatiga ega hujjatni belgilangan tartibda oladi yoxud mazkur faoliyatni (harakatlarni) tugatadi.

Arxivlar uchun yangi muddat

Qonun bilan hujjatlarni saqlash muddatlariga oid yangi qoidalar ham belgilandi. Xususan, maxfiy hujjatlar 30 yil saqlanishi belgilangan.

Shuningdek, shaxsiy tarkib bo‘yicha hujjatlarni saqlash muddatlari belgilandi. Unga ko‘ra:

— 2019 yil 1-yanvargacha ish yurituvi yakunlangan shaxsiy tarkib bo‘yicha hujjatlar idoraviy arxivlarda 75 yil mobaynida saqlanadi.

— 2019 yil 1-yanvardan e’tiboran shakllantirilgan shaxsiy tarkib bo‘yicha hujjatlar idoraviy arxivlarda 50 yil mobaynida saqlanadi.

Теглар

Islohot Litsenziya Tadbirkorlik Qonun Biznes Ruxsatnoma

Мавзуга оид

Бугун 15:49

«Afg‘onistonga faqat ortiqcha elektr energiyasini eksport qilinadi» — energetika vaziri

O‘zbekiston kompaniyalari Afg‘onistonda elektr tarmoqlari va podstansiyalarni qurishda ishtirok etishni rejalashtirmoqda. Sherzod Xo‘jayevning aytishicha, ortiqcha elektr energiyasi eksport qilinishi mumkin, ammo bu faqat ichki talab to‘liq ta’minlanganidan so‘ng amalga oshiriladi.

Бугун 16:23

Surxondaryo va boshqa ayrim viloyatlarning elektr ta’minotida uzilish kuzatildi

Qo‘shni mamlakatning energetika tizimida yuz bergan avariya Markaziy Osiyo energetika tizimiga ta’sir ko‘rsatdi. Energetika vazirligining xabar berishicha, hozirgi vaqtda energetiklar tomonidan elektr ta’minoti bosqichma-bosqich tiklanmoqda.

Бугун 09:28

Tadbirkorlarning 42 foizi qarz majburiyatlari oshganini bildirdi – Biznes kayfiyati sharhi

Korxonalarning ishlab chiqarish hajmini ko‘paytirishi uchun kredit va ishchi kuchiga ehtiyoj ortmoqda. Xususan, Markaziy bank so‘rovnomasida ishtirok etgan tadbirkorlarning 42 foizi qarz majburiyatlari oshganini, 48 foizi esa ishchi kuchiga talab kuchayganini bildirgan. Kelgusida biznes sharoitlari yaxshilanishiga ishonayotganlar ulushi esa bir yil ichida 66 foizdan 82 foizga ko‘tarilgan.

Бугун 12:14

Shavkat Mirziyoyev Prezident administratsiyasi to‘g‘risidagi konstitutsiyaviy qonunni imzoladi

Hujjatda administratsiyaning huquqiy maqomi, asosiy vazifalari, faoliyatini tashkil etish tartibi hamda vakolatlari belgilangan.

Бугун 18:40

O‘zbekistonga pul o‘tkazmalari chetga yuborilganidan 7 baravar ko‘p bo‘ldi

2026-yilning birinchi yarmida chet eldan 9,3 mlrd dollar pul o‘tkazildi, mamlakatdan xorijga yuborilgan mablag‘ esa 1,3 mlrd dollarni tashkil etdi. O‘tkazmalar 13 foizga, xorijga yuborilgan mablag‘lar esa 8 foizga oshgan.

Бугун 17:47

Sudlar tizimida 2027-yildan yangi tartib joriy etiladi

O‘zbekistonda sud qarorlarini qayta ko‘rib chiqishdan tortib raqamli xizmatlargacha bo‘lgan tizimni o‘zgartiruvchi «Odil sudlov – 2030» strategiyasi tasdiqlandi.