Ўзбекистонда импорт ҳажми экспортга қарагандан 8,5 млрд долларга ошди

Кеча 18:552791 Дақиқа

2025 йилнинг 10 ойида Ўзбекистон ташқи савдо айланмасида импорт ҳажми экспортдан 8,5 млрд долларга кўп бўлди.

Ўзбекистонда импорт ҳажми экспортга қарагандан 8,5 млрд долларга ошди

Миллий статистика қўмитасига кўра, 2025 йил январ–октябр ойларида республиканинг ташқи савдо айланмаси 66,5 млрд АҚШ долларига етди. 2024 йилнинг шу даврига нисбатан 11,7 млрд долларга ёки 21,5 фоизга кўпайди.

Маълумотларга кўра, ташқи савдо айланмасида экспорт ҳажми 29 млрд 5 млн АҚШ долларига ва импорт ҳажми эса 37 млрд 533 млн АҚШ долларига етди. Бу давр мобайнида ташқи савдо балансида 8 527,5 млн доллар фарқ кузатилди.

Ўзбекистон жаҳоннинг 210 мамлакати билан савдо алоқаларини амалга ошириб келмоқда. Жумладан, Ўзбекистон ташқи савдо айланмасининг юқори улуши Хитой (19,7 фоиз), Россия (15,9 фоиз), Қозоғистон (5,9 фоиз), Туркия (3,7 фоиз) ва Корея Республикаси (2,2 фоиз) ҳиссасига тўғри келди.

Экспорт таркибида товарлар улуши 73,3 фоизни ташкил этди. Унда асосан саноат товарлари (10,9 фоиз), озиқ-овқат маҳсулотлари ва тирик ҳайвонлар (8,2 фоиз), кимёвий воситалар ва шунга ўхшаш маҳсулотлар (6,0 фоиз) ҳамда ҳар хил тайёр маҳсулотлар (4,9 фоиз) ҳиссаси юқори бўлди.

Импорт таркибида энг катта улуш, машиналар ва транспорт асбоб-ускуналари (34,0 фоиз), саноат товарлари (15,8 фоиз) ҳамда кимёвий воситалар ва шунга ўхшаш маҳсулотлар (12,3 фоиз) ҳисобига тўғри келди.

Маълумот ўрнида, 2025 йилнинг январ–октябр ойида импорт қилинган товарлар ҳажми ўтган йилга нисбатан 4,4 млрд долларга кўпайиб, 33,4 млрд АҚШ долларини ташкил этди. Хизматлар импорти эса 4 млрд 66,7 млн АҚШ долларига етди.

Теглар

Ўзбекистон Импорт статистика экспорт ташқи савдо айланмаси

Мавзуга оид

Кеча 10:15

Мирзиёев Тошкентни дунёда энг кўп мозаикали шаҳар мақомига олиб чиқмоқчи

Президент 2030 йилгача туризмни ривожлантириш режасини тасдиқлаб, Тошкент модернизми ёдгорликларини UNESCO рўйхатига киритиш ва шаҳарни мозаикалари билан танитиш вазифасини қўйди.

Кеча 20:55

Ўзбекистонда дафн этиш ишларидаги бюрократия қисқартирилади

Дафн этиш жараёнларида ягона электрон назорат тизими жорий этилади.

18.11.2025 | 09:55

Қозоғистон президенти Шавкат Мирзиёевга хат ёзди

Тўқаев мактубда Қозоғистон делегациясига кўрсатилган илиқ меҳмондўстлик учун ўз миннатдорлигини билдирган.

16.11.2025 | 12:40

Озарбойжон Марказий Осиё давлатлари раҳбарлари Маслаҳат учрашувининг тўла ҳуқуқли аъзоси бўлади

Шавкат Мирзиёев Озарбойжонни Маслаҳат учрашувлари форматига тўла ҳуқуқли аъзо сифатида қабул қилиш тўғрисида иштирокчи мамлакатлар етакчилари томонидан принципиал қарор қабул қилинаётганини эълон қилди.

18.11.2025 | 12:55

Ўзбекистон 2026 йилда ҳам Афғонистонга электр етказиб беради

Ўзбекистон ва Афғонистон ўртасида 2026 йил учун электр энергиясини етказиб бериш бўйича шартнома имзоланди.

17.11.2025 | 15:25

Марказий Осиё ва Жанубий Кавказ ягона геосиёсий ва геоиқтисодий минтақага айланди — Абдулазиз Комилов

Президент маслаҳатчиси Абдулазиз Комилов Озарбайжоннинг Маслаҳат учрашуви форматига қўшилиши икки минтақа ўртасида янги сиёсий-иқтисодий боғлиқликни яратиб, минтақавий интеграция жараёнини мутлақо янги босқичга олиб чиққанини айтди.