Ўзбекистонда Саудия Арабистони иштирокида кўп тармоқли шифохона қурилади

Бугун 19:581 дақиқа

Икки давлат соғлиқни сақлаш тизимида янги келишувларга эришди.

Ўзбекистонда Саудия Арабистони иштирокида кўп тармоқли шифохона қурилади

Ўзбекистон Республикаси Президенти Шавкат Мирзиёев 28 июл куни Саудия Арабистони Подшоҳлиги соғлиқни сақлаш вазири Фаҳад бин Абдулраҳмон ал-Жалажил бошчилигидаги делегацияни қабул қилди.

Учрашув аввалида олий мартабали меҳмон давлатимиз раҳбарига Саудия Арабистони Подшоҳи Салмон бин Абдулазиз Ол Сауд ва Валиаҳд, Бош вазир Муҳаммад бин Салмон Ол Сауднинг саломи ва энг эзгу тилакларини етказди.

Сўнгги йилларда ҳамкорлик жадал ривожланиб бораётгани мамнуният билан қайд этилди. Айниқса, «ACWA» компанияси билан йирик қўшма лойиҳалар амалга оширилаётгани алоҳида таъкидланди.

Ташриф доирасида Саудия Арабистонининг етакчи компаниялари раҳбарларидан иборат нуфузли делегация билан самарали музокаралар ўтказилиб, қатор келишувларга эришилди.

Мулоқот давомида Ўзбекистонда тиббиёт соҳасини рақамлаштириш ва модернизация қилиш, фармацевтика тармоғини тартибга солиш, кадрлар тайёрлаш, кўп тармоқли шифохона барпо этиш масалаларига эътибор қаратилди.

Учрашув якунида янги лойиҳа ҳамда ташаббусларни амалга оширишни назарда тутувчи «йўл харитаси»ни ишлаб чиқиш ва қабул қилишга келишиб олинди.

Теглар

Саудия Арабистони йўл харитаси соғлиқни сақлаш.Шавкат Мирзиёев тиббиёт Ўзбекистон инвестиция ACWA кўп тармоқли шифохона

Мавзуга оид

Кеча 21:55

Вазир ўзгарди. Энди чироқ ёнадими?

Бир пайтлар энергетика тизимидаги муаммолар сабаб вазир ўринбосари лавозимидан танқидлар билан ишдан олинган Шерзод Хўжаев энди Энергетика вазири бўлди. 2022 йилдан ҳозиргача Энергетика вазири сифатида ишлаб келган Жўрабек Мирзамаҳмудов эса бу лавозимдан олинди.

Бугун 16:47

Президент 9 та давлат элчиларидан ишонч ёрлиқларини қабул қилди

Шавкат Мирзиёев Италия, Фаластин, Саудия Арабистони, Кувайт, Жазоир, Малайзия, Покистон, Озарбайжон ва Қозоғистоннинг янги тайинланган элчиларидан ишонч ёрлиқларини қабул қилди.

Кеча 19:45

Аҳолига суюлтирилган газ етказиб беришга хусусий сектор жалб қилинади

Президент Шавкат Мирзиёев раислигида ўтган йиғилишда суюлтирилган газ таъминотини яхшилаш мақсадида соҳага хусусий секторни жалб этиш ва бу тажрибани Андижон вилоятида бошлаш маъқулланди.

Кеча 18:55

«Кодекс буюртмалар столи эмас» — паркoвкага тўлов қилмаганлар муаммоси нега Маъмурий кодексгача етиб борди?

Тошкентда пулли паркoвка учун тўловни амалга оширмаган ҳайдовчиларни 824 минг сўмгача жаримага тортиш таклиф қилинмоқда. Бироқ бу ташаббус оддий жарима масаласидан чиқиб, давлат ваколатлари, фуқаролик-ҳуқуқий муносабат ва жазонинг мутаносиблиги ҳақидаги баҳсга айланди.

Бугун 18:55

Бюджетномада бор, қонунда йўқ: 2026-йилги акциз сиёсати нимани ўзгартирди?

2026-йилги акциз сиёсатида картошка чипси расман янги солиқ объектига айланди, шакарли ичимликлар учун эса прогрессив солиқ ставкаси жорий этилди. Бироқ бюджетномада режалаштирилган сироп концентратига акциз қонун матнига киритилмай қолиб, ҳуқуқий ва амалий зиддиятни келтириб чиқарди. Vaqt.uz’нинг ушбу мақоласида янги йилдаги акциз ўзгаришлари ва бизнеснинг бунга муносабати ҳақида батафсил ўқинг.

Бугун 10:25