Путин ва америкаликлар ўртасидаги учрашувнинг дастлабки натижалари эълон қилинди
Музокаралар уч соатдан кўпроқ давом этган.
© MeduzaАҚШ президенти махсус вакили Стив Уиткофф ва Доналд Трампнинг куёви Жаред Кушнер 5 сентябр куни Москвада Россия президенти Владимир Путин билан музокара ўтказди.
Учрашувдан сўнг улар 6 сентябр куни Киевга бориб, Украина президенти Володимир Зеленский билан урушни тугатиш имкониятларини муҳокама қилди. Бу Уиткофф ва Кушнернинг Россия босқини бошланганидан бери Киевга илк ташрифи бўлди.
Путин билан бўлиб ўтган суҳбат уч соатдан кўпроқ давом этган. Оқ уй вакилининг таъкидлашича, томонлар яқин ҳафталар ичида эълон қилиниши кутилаётган навбатдаги қадамлар юзасидан сермазмун фикр алмашган.
Аввалроқ Доналд Трамп ўз вакиллари Москвага урушни тўхтатиш бўйича аниқ таклифлар билан кетаётганини ва ўзаро келишувга эришиш учун «жуда яхши имконият» борлигини билдирган эди.
Америкалик музокарачилар Киевга жўнаб кетишдан аввал, қуролли тўқнашувга барҳам беришнинг эҳтимолий йўллари юзасидан Россия томонининг муносабати ва таклифларини олган.
Америка президенти Доналд Трамп Уиткофф ва Кушнерни «буюк музокарачилар» деб атаб, улар Москвага айнан Қўшма Штатларнинг тинчлик ташаббусини илгари суриш мақсадида жўнаб кетганини алоҳида қайд этганди.
Шунга қарамай, Путин билан бўлиб ўтган учрашувдан сўнг АҚШ вакиллари муҳокама қилинган таклифларнинг аниқ тафсилотларини ҳозирча оммага ошкор қилмади.
