Qirg‘iziston Milliy xavfsizlik qo‘mitasiga yangi rais tayinlandi
Maksat Asanaliev Milliy xavfsizlik davlat qo‘mitasi raisi vazifasini bajaruvchi etib tayinlandi. Uning nomzodi keyinchalik maxsus xizmat rahbari lavozimiga tayinlash uchun Jogorku Keneshga taqdim etildi.
Qirg‘iziston Prezidenti xavfsizlik sohasidagi kadrlar o‘zgarishi bo‘yicha bir qator farmonlarni imzoladi.
Jumgalbek Shabdanbekov boshqa lavozimga o‘tganligi sababli Milliy xavfsizlik davlat qo‘mitasi raisi lavozimidan ozod qilindi. Maksat Asanaliev Milliy xavfsizlik davlat qo‘mitasi raisi vazifasini bajaruvchi etib tayinlandi. Uning nomzodi keyinchalik maxsus xizmat rahbari lavozimiga tayinlash uchun Jogorku Keneshga taqdim etildi.
Maksat Asanaliev boshqa ishga o‘tganligi sababli, Bosh prokuror vazifalari vaqtincha Bosh prokurorning birinchi o‘rinbosari Malik Bekturganovga yuklatildi.
Konstitutsiyaga ko‘ra, Bosh prokuror prezident tomonidan, shuningdek, Jogorku Keneshning roziligi bilan tayinlanadi. Parlament tasdiqlaganidan so‘ng, Maksat Asanaliev rasman Milliy xavfsizlik davlat qo‘mitasiga rahbarlik qiladi.
Ma’lumot uchun, ushbu lavozimda uzoq yillar faoliyat yuritgan Qamchibek Tashiyevga «Hokimiyatni zo‘rlik bilan egallash yoki ushlab turish, shuningdek, konstitutsiyaviy tuzumni zo‘rlik bilan o‘zgartirishga qaratilgan harakatlar» hamda «Mansab vakolatini suiiste’mol qilish» moddalari bilan jinoiy ish ochilgan edi.