Қирғизистон ва Германия меҳнат миграцияси соҳасидаги ҳамкорликни кенгайтиришни муҳокама қилишди

Қирғизистон Меҳнат, ижтимоий таъминот ва миграция вазирининг биринчи ўринбосари Қамчибек Дўсматов Германиянинг Мекленбург-Ворпоммерн федерал ери Иқтисодий ишлар, инфратузилма, туризм ва меҳнат вазирлиги давлат котиби Ёхен Шулте билан учрашди.
 
Меҳнат вазирлиги маълумотларига кўра, учрашув давомида томонлар меҳнат бозоридаги давлат сиёсати масалаларини, шунингдек, меҳнат миграцияси соҳасидаги халқаро ва икки томонлама ҳамкорликнинг долзарб йўналишларини муҳокама қилишган.
 

«Меҳнат миграциясини тартибга солиш, бандликни ошириш ва уюшган бандлик механизмларини ривожлантириш бўйича тажриба алмашишга алоҳида эътибор қаратилди. Томонлар ижтимоий ва меҳнат соҳаларида шерикликни ривожлантиришга қаратилган ҳамкорликни янада мустаҳкамлаш ва кенгайтиришдан ўзаро манфаатдор эканликларини тасдиқладилар» - дейилади хабарда.