Шавкат Мирзиёев Қирғизистоннинг I даражали «Манас» ордени билан тақдирланди

Бугун 16:501 дақиқа

У республика ва хориж фуқароларига давлатчилик ва халқаро ҳамкорликни мустаҳкамлаш, халқлар ўртасида тинчлик, дўстлик ва ўзаро англашув ришталарини ривожлантиришга қўшган улкан ҳиссаси учун берилади.

Шавкат Мирзиёев Қирғизистоннинг I даражали «Манас» ордени билан тақдирланди

Қирғизистоннинг Чўлпонота шаҳридаги «Руҳ Ордо» маданият марказида Ўзбекистон президенти Шавкат Мирзиёевни I даражали «Манас» ордени билан тақдирлаш маросими бўлиб ўтди. Бу ҳақда Ўзбекистон раҳбарининг матбуот хизмати хабар берди.

Ушбу мукофотни президент Садир Жапаров топширди. Ўзбекистон етакчиси қардош Қирғизистон президенти ва халқига чуқур миннатдорлик билдириб, ушбу мукофотни икки халқ ўртасидаги асрлик дўстлик ва яхши қўшничилик ришталарини мустаҳкамлаш борасидаги биргаликдаги саъй-ҳаракатлар ҳамда Ўзбекистон ва Қирғизистон муносабатларини янги тарихий босқич — иттифоқчилик даражасига олиб чиқишга қаратилган интилишларнинг юксак эътирофи сифатида қабул қилишини таъкидлади.

Маълумот учун, 1996-йилда таъсис этилган «Манас» ордени Қирғизистоннинг олий давлат мукофотларидан бири ҳисобланади. У республика ва хориж фуқароларига давлатчилик ва халқаро ҳамкорликни мустаҳкамлаш, халқлар ўртасида тинчлик, дўстлик ва ўзаро англашув ришталарини ривожлантиришга қўшган улкан ҳиссаси учун берилади.

Эслатиб ўтамиз, аввалроқ Ўзбекистон ва Қирғизистон савдо айланмасини 2 млрд долларга етказмоқчилиги ҳақида ёзган эдик.

Теглар

президент Қирғизистон Садир Жапаров дўстлик давлат мукофоти Шавкат Мирзиёев Ўзбекистон Манас ордени Чўлпонота халқаро ҳамкорлик

Мавзуга оид

Кеча 21:55

Ўзбекистон Қирғизистонга йирик бизнес таклифларини берди

Инвестициялар, саноат ва савдо вазири Лазиз Қудратов Қирғизистон билан фармацевтика ва саноатда қўшма ишлаб чиқаришни йўлга қўйишни таклиф қилди. Унинг таъкидлашича, бундай кооперация икки мамлакатга ЕОИИ ва Жанубий Осиё бозорларига чиқиш имконини беради.

Кеча 23:15

ОАВдан яширилган йирик судлар, 14 фоизда қолган асосий ставка ва Тошкент атрофида қуриладиган 1 млрд долларлик йўл — 29 июл дайжести

Кун давомида Ўзбекистонда юз берган воқеалар ва ҳодисалар, ёритилган янгиликлар ва хабарларнинг энг муҳимларини яна бир бор эсга оламиз.

Кеча 21:30

Тошкентда «Салар» каналини ифлослантирган қурувчи компания 2,2 миллиард сўмлик жаримага тортилди

3 июл куни Яккасаройдаги кўп қаватли бино қурилишида канализация қувури ўпирилиб тушганди.

Бугун 16:35

Тошкент шаҳрида тўртта рамзий дарвоза қурилади

Пойтахтдаги «Чорсу» ва «Эски Жува» реконструкция қилиниб, шаҳарда тўртта рамзий дарвоза, «Ёшлар шаҳарчаси», экобоғлар ва янги туристик масканлар қурилади.

Кеча 19:55

Паст даромадли оилалар пулининг учдан бир қисмини таълимга сарфлайди – тадқиқот

Кам таъминланган оилалар таълим учун ўз даромадининг нисбатан катта қисмини сарфлаётган бўлса-да, лекин улар фарзандларининг минимал билим даражасига эришиши бойроқ оилалар фарзандларига нисбатан 3 баробар паст. Ижтимоий сиёсат лабораторияси Ўзбекистонда таълимдаги тенгсизликка таъсир қилаётган омилларни ўрганди.

Кеча 19:15

Марказий банк: Асосий ставкани пасайтириш масаласи муҳокама қилинмади

Марказий банк 29 июль куни бўлиб ўтган йиғилишда асосий ставкани пасайтириш вариантини ҳатто муҳокамага ҳам қўймаган. Ammo regulyator kelgusida iqtisodiy sharoit talab etsa, stavkani 0,25 foizlik qadamlar bilan pasaytirish ehtimolini istisno qilmadi.