«Soliq» мобил иловаси янгиланди

Бугун 11:556101

Давлат солиқ қўмитаси 2025 йилнинг 1 декабрдан бошлаб «Soliq» иловасининг эски версияси ишламаслигини маълум қилди.

«Soliq» мобил иловаси янгиланди. Бу ҳақда Давлат солиқ қўмитаси ахборот хизмати хабар берди.

Маълум қилинишича, илованинг хавфсизлик тизими янгилангани туфайли эски версиядан фойдаланиш имконияти 2025 йил 1 декабрдан чекланади.

Қўмита баёнотига кўра, 4 ноябр куни соат 18:40 дан бошлаб профилактик ишлар олиб борилгани сабабли илова фаолияти вақтинча чекланган. Ҳозирда хавфсизлик бўйича чоралар тўлиқ якунланиб, фойдаланувчилар учун янгиланган версия ишга туширилган.

Янгиланиш доирасида илованинг хавфсизлик сертификатлари янгиланиб, киберхавфсизлик талаблари кучайтирилган. Шу боис фойдаланувчилардан янги версияни Play Market ва App Store орқали юклаб олишлари сўралмоқда.

Қўмита шунингдек, хавфсизлик нуқтаи назаридан вақтинчалик чеклов жорий этилганини маълум қилди — Ўзбекистон ҳудудидан ташқарида бўлган фойдаланувчилар 1 декабрга қадар иловадан фойдалана олмайди.

«Тақдим этилган вақтинчалик ноқулайликлар учун фуқаролар ва барча солиқ тўловчилардан узр сўраймиз», — дейилади Солиқ қўмитаси хабарида.

Теглар

Солиқ Қўмитаси киберхавфсизлик мобил илова янгиланиш Soliq иловаси

Мавзуга оид

29.10.2025 | 16:20

Ўзбекистонда «Silk Road Tourism Awards» танлови ўтказилади

Туризм соҳасида фаол ишлаётган маҳаллий тузилмаларни рағбатлантириш мақсадида «Silk Road Tourism Awards» танлови 12 номинация бўйича ташкил этилди.

02.11.2025 | 17:12

Ўзбекистонда йил бошидан буён 2,1 млн тонна полиз маҳсулоти етиштирилди

Полиз экинлари етиштиришда етакчи ҳудудлар сифатида Жиззах ва Сирдарё вилоятлари қайд этилди.

31.10.2025 | 09:41

Ўзбекистон дунёдаги энг бахтли мамлакатлар рўйхатида 53-ўринни эгаллади

World Happiness Report 2025 ҳисоботига кўра, Ўзбекистон Марказий Осиёдаги энг бахтли мамлакатлар орасида иккинчи ўринни эгаллади.

29.10.2025 | 23:25

«Лукойл»нинг Ўзбекистондаги активларини сотиб олиш масаласи ҳозирча кун тартибида йўқ — «Ўзбекнефтгаз»

Баҳодир Сидиқовга кўра, санкциялар «Лукойл» фаолияти ва Ўзбекистондаги қўшма лойиҳаларга муқаррар таъсир кўрсатади.

Кеча 11:16

Қамчиқ довонида қор ёғмоқда

4 ноябр куни Қамчиқ довонининг юқори қисмида қор ёға бошлади. ФВВ, ЙПХ ва «Қамчиқавтойўл» ИЙФУК хизматлари йўлни тозалаш ҳамда ҳайдовчилар хавфсизлигини таъминлаш ишларини кучайтирди.

30.10.2025 | 18:54