Starlink самолётларда интернет замонини бошламоқда: 13 йирик авиакомпания уланди

Бугун 19:151811 Дақиқа

Эндиликда парвоз қилаётган самолётдан видеоқўнғироқ қилиш ёки онлайн ўйинларни ўйнаш мумкин. Starlink 13 авиаширкат билан ҳамкорлик бошлади.

Starlink самолётларда интернет замонини бошламоқда: 13 йирик авиакомпания уланди

Илон Маскнинг SpaceX компанияси томонидан яратилган Starlink йирик халқаро авиаширкатлар билан ҳамкорликда самолётларда юқори тезликда интернет хизматини йўлга қўймоқда. Emirates, British Airways, Qatar Airways ва United каби етакчи авиакомпаниялар энди йўловчиларга ҳавода юрган ҳолда онлайн тармоққа уланиш имконини тақдим этмоқда.

Starlink’нинг сунъий йўлдошлари орқали тарқатилаётган интернет хизматлари йўловчиларга 100–250 Мбит/с тезликда юклаб олиш, 25 Мбит/с тезликда юклаш ва 99 миллисекунддан кам кечиктириш билан хизмат кўрсатиши айтилмоқда. Бу албатта, анъанавий Wi-Fi хизматларига нисбатан сезиларли устунлик саналади.

Айниқса, узоқ масофали, океан узра парвозларида интернет алоқаси узилишлари йўловчиларни ранжитар эди. Энди эса, бизнес сафардалигидан қатъи назар, спорт ишқибозлари ва ижтимоий тармоқ фойдаланувчилари ҳам ҳаво кемасида узлуксиз алоқада бўлишлари мумкин.

23 ноябрдан Emirates ўзининг айрим Boeing 777 рейсларида Starlink’ни бепул таклиф этади. 2027 йилнинг ўрталарига қадар ушбу технология бутун флот бўйлаб жорий этилади. Qatar Airways эса 2024 октябрда Boeing 777 самолётларига Starlink ўрнатишни якунлади, Airbus A350’ларга эса 2025 йил навбат келади.

British Airways, Virgin Atlantic, SAS, Alaska Airlines ва бошқа кўплаб компаниялар 2025–2027 йилларда флотларига Starlink тизимини тўлиқ жорий қилишни режалаштирмоқда. AirBaltic аллақачон Airbus A220–300 самолётларида Starlink’ни фаол ишлатмоқда.

Теглар

Илон Маск SpaceX авиация интернет Starlink Wi-Fi

Мавзуга оид

16.11.2025 | 13:25

180 давлат бирлашмоқда: Биткойнга рақиб — токенлашган олтин лойиҳаси

Дубайдаги DMCC раҳбари Сулайемга кўра, Биткойн ҳақиқий актив эмас. Шу сабаб, 180 давлат иштирокидаги ташкилот олтинни рақамлаштириш устида иш бошлади.

18.11.2025 | 08:58

Ford Focus’нинг ишлаб чиқарилиши тўхтатилди — бутун бир давр якунланди

Ford Европа бозорида машҳур бўлган Focus моделини ишлаб чиқаришни тўхтатди. Компания энди электромобиллар ва кроссоверларга тўлиқ ўтишга йўналмоқда.

19.11.2025 | 09:38

Apple патентни бузгани учун 634 млн доллар жарима тўлайди

Apple Watch’даги технология учун АҚШ суди қарори билан Apple компанияси Masimoʼга 634 млн доллар тўлашга мажбур бўлди. Аммо икки томон ўртасидаги кураш ҳали тугагани йўқ.

16.11.2025 | 22:28

Tesla акциялари 10 йил ичида 10 000 долларга етиши мумкин

Tesla акциялари кейинги 10 йилда сезиларли даражада қимматлашиши айтган машҳур инвестор Рон Барон Маскнинг роботлар бўйича режаларини «инсоният тарихидаги энг йирик лойиҳа» деб ҳам атади.

18.11.2025 | 12:45

Сунъий интеллект яратган қўшиқ Billboard’ни забт этди

Сунъий интеллект ёрдамида яратилган Breaking Rust тарихда илк бор Billboard’нинг country йўналишидаги рақамли сотувлар рейтингида 1-ўринга чиқди.

19.11.2025 | 20:55

Google сайёҳлик дунёсида қўзғалон бошлади: энди сиздан бир жумла кифоя

Google’нинг сунъий интеллектга асосланган янги функциялари орқали дунё бўйлаб саёҳатингизни бир сўз билан режалаштириш мумкин бўлади. Янгиликдан туризм саноати безовта.