Тожикистонда инфляция сўнгги олти ой ичида 2,4 фоизни ташкил этди

Тожикистонда истеъмол нархлари 2026 -йилнинг январидан июнига қадар 2,4 фоизга ошди. Йил бошидан бери озиқ-овқат нархлари ўртача 2,6 фоизга, озиқ-овқат бўлмаган товарлар нархлари 1,7 фоизга ва пуллик хизматлар 3,8 фоизга ошди. Бу ҳақда «Asia-Plus» таҳлилида келтирилган.

Июнь ойининг ўзида истеъмол нархлари индекси 99,9 фоизни ташкил этди, бу май ойига нисбатан мамлакатдаги ўртача нархлар даражаси 0,1 фоизга пасайганини англатади. Ўтган ойда озиқ-овқат маҳсулотлари 0,3 фоизга арзонлаган бўлса, ноозиқ-овқат маҳсулотлари ва пуллик хизматлар эса аксинча 0,2 фоизга қимматлаган.

Январдан июнгача ёқилғи нархлари ўртача 22,2 фоизга ошди. Суюлтирилган газ нархи 34,8 фоизга, дизель ёқилғиси 20,6 фоизга ва бензин нархи 10 фоизга ошди.

Помидор арзонлади, аммо пиёз қимматлади

Июнь ойида озиқ-овқат нархларининг умумий пасайишига қарамай, айрим товарлар нархи сезиларли даражада ошди.

Тарвуз нархи энг катта ўсишни қайд этди, 18,8 фоизга ошди. Пиёз 13,6 фоиз, сабзи 6 фоиз, гречка 3,9 фоиз, узум 2,5 фоиз ва макарон 1,2 фоизга ошди.

Нон маҳсулотлари ва дон маҳсулотлари нархлари ўртача 0,8 фоизга, гўшт маҳсулотлари 0,6 фоизга, ёғ 0,7 фоизга ошди. Хусусан, мол гўшти 1,1 фоизга, қўй гўшти 0,4 фоизга ва товуқ гўшти 0,1 фоизга ошди. Пахта ёғи 1 фоизга ва кунгабоқар ёғи 0,3 фоизга ошди.

Шу билан бирга, бозорларда мавсумий сабзавотлар ва бошқа баъзи маҳсулотлар нархи пасайди. Ой давомида помидор 25,8 фоизга, бодринг 9,2 фоизга, карам 8,3 фоизга ва олма 6,3 фоизга арзонлади. Газланган ичимликлар 5,5 фоиз, картошка 5,4 фоиз, тухум 4,9 фоиз, банан 3,8 фоиз, сут 2,2 фоиз, шакар 2 фоизга арзонлади.

Эслатиб ўтамиз, аввалроқ Евроосиё тараққиёт банки Тожикистон иқтисодиёти 2026 йилнинг охирига бориб 8,3 фоизга ўсишини прогноз қилганди.