Янги «Damas» сотуви бошланди

“UzAuto Motors” АЖ янги Chevrolet Damas Max ва Chevrolet Damas move моделлари учун шартнома тузиш жараёнини бошлади. Бу ҳақда компания матбуот хизмати хабар бермоқда.

Маълум бўлишича, Chevrolet Damas Max ва Chevrolet Damas move автомобилларини харид қилиш бўйича шартномани UzAuto Motors'нинг барча расмий дилерлик марказларида расмийлаштириш мумкин.

Компания қўшимча маълумотларни UzAuto Motors'нинг +99878 141 7777 рақамли call-маркази ҳамда ҳаволаси орқали олиш мумкинлигини маълум қилган.

Damas Max ва Damas Move нархлари қуйидагича белгиланган:

— Damas Max VAN 1.2 LV0 134 439 000 сўм

— Damas Max VAN 1.5 LV0 142 471 000 сўм

— Damas Move PAS 1.2 LV0 139 675 000 сўм

— Damas Move PAS 1.2 LV1 144 563 000 сўм

— Damas Move PAS 1.5 LV0 149 011 000 сўм

— Damas Move PAS 1.5 LV1 154 128 000 сўм

Маълумот учун, эски Дамас 93,2 млн сўмдан, Лабо нархи эса 96,4 млн сўмдан сотилаётган эди.

2025 йил 31 декабр куни UzAuto Motors иккита янги тижорат автомобиллари Chevrolet Damas Max юк ташишга мўлжалланган ва Chevrolet Damas Move йўловчи ташиш учун мўлжалланган моделларини бозорга чиқарилаётганини маълум қилган эди.

Компания янги Chevrolet Дамасъни ўзидан олдинги моделига нисбатан сезиларли даражада яхшиланган хусусиятларга эга эканлигини айтган.

Жумладан: янгиланган моделда двигатель қуввати 81 от кучи ва 103 от кучини ташкил этади (+43 от кучи ва +65 от кучи), юк кўтариш қуввати 650 кг (+250 кг), юк ташиш версиясида юк бўлими ҳажми 3050 л (+850 л), ғилдирак базаси 2850 мм (+1010 мм), узунлиги 4425 мм (+930 мм), кенглиги 1670 мм (+270 мм) ташкил этади.

Шу билан бирга, Дамасънинг аввалги версияси ишлаб чиқарилиши давом эттирилиши хабар қилинган.

Аввалроқ январда автомобил бозори 7,2 фоизга ошгани ҳақида хабар берилганди.